قىسقى ازيا ويىندارى: 6 سپورتشىمىز شورت-ترەكتەن كەلەسى كەزەڭگە ءوتتى
حاربين. KAZINFORM - قىتايدىڭ حاربين قالاسىندا ءوتىپ جاتقان IX قىسقى ازيا ويىندارىنىڭ شورت-ترەكتەن ەرلەر جانە ايەلدەر اراسىندا 500 مەترگە سىرعاناۋدان ىرىكتەۋ جارىسى ءوز مارەسىنە جەتتى.
ايەلدەر اراسىندا سىنعا تۇسكەن قىزدار زەينەپ قۇمارقان (45.420 سەكۋند)، يانا حان (43.929 سەكۋند) جانە ماليكا ەرمەك (44.286 سەكۋند) كەلەسى كەزەڭگە سۇرىنبەي ءوتتى.
ال ەرلەر اراسىندا مەرسايد جاقسىبايەۆ (41.871 سەكۋند)، ابزال اجىعالييەۆ (42.026 سەكۋند) جانە دەنيس نيكيشا (42.702 سەكۋند) شيرەك فينالدا ونەر كورسەتەتىن بولادى.
سونداي-اق، قازاقستاندىق شورت-ترەكشىلەر بۇگىن ەرلەر مەن ايەلدەر اراسىنداعى 1000 مەتر جانە 2000 مەتر ارالاس كوماندالىق ەستافەتادا ونەر كورسەتەدى.
وسىعان دەيىن قازاقستاندىق سپورتشىلار 1500 مەترگە سىرعاناۋ بويىنشا سىنعا ءتۇسىپ، 3 ايەل جانە 3 ەر سپورتشىمىز جارتىلاي فينالعا جولداما العان بولاتىن.
ەسكە سالايىق، IX قىسقى ازيا ويىندارى 2025-جىلدىڭ 7-14-اقپانى ارالىعىندا قىتاي حالىق رەسپۋبليكاسى حەيلۋنتسزيان پروۆينتسياسىنىڭ حاربين قالاسىندا وتەدى.
سپورتشىلار 11 سپورت ءتۇرى بويىنشا 64 مەدال جيىنتىعىن ساراپقا سالادى.
اۆتور مۇحتار قاليموللا ۇلى
