قىركۇيەك ايىندا ەڭبەك نارىعىندا سۇرانىس تومەندەگەن

«قىركۇيەك ايىندا ەلەكتروندى ەڭبەك بيرجاسىندا 127 مىڭ بوس جۇمىس ورنى جانە 113,8 مىڭ تۇيىندەمە جاريالاندى. تامىز ايىمەن سالىستىرعاندا ەڭبەك نارىعىنداعى سۇرانىس ازداپ تومەندەگەن ( پايىز1- نەمەسە 1,7 مىڭ بوس جۇمىس ورنى)، ال ۇسىنىس ءالى دە ءوسىپ جاتىر (8+ پايىز نەمەسە 8,8 مىڭ تۇيىندەمە)»، - دەپ جازىلعان مينيسترلىك حابارلاماسىندا.

سونداي-اق، سۇرانىستىڭ تومەندەۋىنە قاراماستان، قىركۇيەك ايىندا ءبىلىم بەرۋ ۇيىمدارى باسقا سالالارمەن سالىستىرعاندا ەڭ كوپ بوس جۇمىس ورىندارىن جاريالاعان.

ءبىلىم سالاسى ءارتۇرلى دەڭگەيلەرىندەگى مەكەمەلەردىڭ بوس جۇمىس ورىندارى ەڭبەك نارىعىنداعى جالپى سۇرانىستىڭ ۇشتەن ءبىرىن (33 پايىز نەمەسە 41,8 مىڭ بوس جۇمىس ورنى) قۇراعان.

وڭىرلىك بولىنىستە قىركۇيەك ايىندا بوس جۇمىس ورىندارىنىڭ ەڭ كوپ ارتۋى شىمكەنت قالاسىندا (32+ پايىز نەمەسە 0,8 مىڭ)، اقمولا (22+ پايىز نەمەسە 1,2 مىڭ) جانە قىزىلوردا (15+ پايىز نەمەسە 0,5 مىڭ) وبلىستارىندا بايقالدى.

ال ۇسىنىسقا كەلسەك، ەڭبەك نارىعىندا ورنالاستىرىلعان تۇيىندەمەلەر شىمكەنت قالاسىندا (60+ پايىز نەمەسە 3,4 مىڭ)، سونداي-اق تۇركىستان (37+ پايىز نەمەسە 4,5 مىڭ) جانە قوستاناي (35+ پايىز نەمەسە 1,1 مىڭ) وبلىستارىندا كوپ بايقالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى