قىرعىزستاننىڭ كونستيتۋتسيالىق سوتى اناسىنىڭ اتا-تەگىن الۋ قۇقىعىن الىپ تاستادى
قىرعىزستان كامەلەتكە تولعان ازاماتتارعا اكەسى نەمەسە اناسىنىڭ تەگىن الۋ قۇقىعىن بەرۋ تۋرالى قۇجاتتى قايتا قارادى. تاڭداۋ قۇقىعىن جوياتىن شەشىمدى ق ر كونستيتۋتسيالىق سوتى قابىلدادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
قۇجاتتا بۇعان دەيىن قابىلدانعان اناسىنىڭ تەگىن الۋ مۇمكىندىگى قوعامدا قالىپتاسقان قاعيدالارعا ساي كەلمەيتىن، ءبىراق زاڭنامالىق شەشىمدى قاجەت ەتەتىن ومىردەگى جاعدايلارعا عانا قاتىستى بولعانى ايتىلعان. اڭگىمە ومىرىندە اكەسىنەن پسيحولوگيالىق نەمەسە فيزيكالىق جاراقات العان، باسقا جاعىمسىز وقيعا بولعان جانە ول سوت اكتىسىمەن دالەلدەنگەندىكتەن اتى-جونىنە ەر ادامنىڭ اتىن قوسقىسى كەلمەيتىن ازاماتتارعا كامەلەتكە تولعاننان كەيىن وسى مۇمكىندىكتى بەرۋ تۋرالى بولعان ەدى.
انا ينستيتۋتىن قىرعىز قوعامى قابىلداي المادى، وعان ءمورالدىق ۇستانىمدار، قىرعىز حالقىنىڭ قۇندىلىعى مەن ءداستۇرى سەبەپ بولعان. سوتتىڭ مۇنداي شەشىمى قوعامدا داۋ تۋدىردى. وسىعان بايلانىستى بيىل قازاندا مەملەكەت باسشىسى سادىر جاپاروۆ ەل پارلامەنتى ءبىراۋىزدان قابىلداعان كونستيتۋتسيالىق سوت شەشىمىن قايتا قاراۋدى تاپسىرىپ، «كونستيتۋتسيالىق سوت تۋرالى» زاڭعا تۇزەتۋ ەنگىزۋ باستاماسىن كوتەرىلدى.
9-قاراشادا ەلدىڭ كونستيتۋتسيالىق سوتى انالىق ينستيتۋتقا قاتىستى شەشىمىن قايتا قاراپ، ودان اكە نەمەسە اناسىنىڭ اتا-تەگىن تاڭداۋ قۇقىعىن الىپ تاستادى.
