قىرعىزستاندا قار كوشكىنى باسىپ قالعان التى ادامنىڭ ءمايىتى تابىلدى

قىرعىزستان توتەنشە جاعدايلار مينيسترلىگىنىڭ قۇتقارۋشىلارى كەشەدەن بەرى جالال-اباد وبلىسى چاتقال اۋدانى اق-ساي ماڭىنداعى قار كوشكىنى كەزىندە جوعالىپ كەتكەن التى ازاماتتى ىزدەستىردى.

3 ادامنىڭ ءمايىتى 18-قازان كۇنى تابىلىپ، تىكۇشاقپەن قۇمبەل اۋدانىنداعى شتابقا جەتكىزىلدى. قۇتقارۋشىلار ولاردىڭ دەنەسىن پوليتسيا قىزمەتكەرلەرى مەن تۋىستارىنا تاپسىردى.

ەستەرىڭىزگە سالا كەتەيىك، 9-قازان كۇنى قانىش-قيا اۋىلىنىڭ 14 تۇرعىنى مەن ءبىر شەتەلدىك تاۋعا سيرەك كەزدەسەتىن وسىمدىكتىڭ تامىرىن ىزدەپ شىعىپ، جوعالىپ كەتكەن بولاتىن. جەدەل ىزدەستىرۋ شارالارىنىڭ ناتيجەسىندە 16-قازاندا سەگىز ازامات امان-ەسەن تابىلدى، التاۋى قار كوشكىنى استىندا قالىپ، مەرت بولدى.

وسىعان دەيىن قىرعىزستاندا قايتىس بولعاندارعا تاس جانە ءمارماردان ەسكەرتكىش قويىپ، تاقتاتاس ورناتۋعا تىيىم سالىناتىنى تۋرالى جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى