قىرعىزستاندا كونتراباندالىق تاۋار وتكىزۋگە ارنالعان جەراستى تۋنەلى انىقتالدى

قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى جالال-اباد وبلىسىنىڭ سوزاق اۋدانىنداعى ۇيلەردىڭ بىرىندە قىرعىز-وزبەك شەكاراسىنا جاقىن جەردە كونترابانداعا ارنالعان جەراستى تۋنەلىن انىقتادى، دەپ حابارلايدى قىرعىز رەسپۋبليكاسى ۇلتتىق قاۋىپسىزدىك كوميتەتىنىڭ باسپا ءسوز ورتالىعى.

تۋنەل تاۋارلار مەن ادامداردى كونتراباندالىق جولمەن تاسىمالداۋ ءۇشىن پايدالانىلعان.

جەراستى تۋنەلى وزبەكستان رەسپۋبليكاسىنىڭ مەملەكەتتىك شەكاراسىنا جاقىن جەردە ورنالاسقان، ونىڭ تەرەڭدىگى 15 مەتر، جالپى ۇزىندىعى - 130 مەتر، قىرعىز رەسپۋبليكاسىنىڭ مەملەكەتتىك شەكاراسىنا دەيىنگى ۇزىندىعى - 50 مەتر، بيىكتىگى - 1,7 مەتر.

كونتراباندالىق كانال ۇيىمداستىرعانى ءۇشىن ءۇي يەسى، 1986 -جىلعى «ە. ا. » ۇستالدى.

قازىرگى ۋاقىتتا قىرعىز رەسپۋبليكاسى ۇقمك قىزمەتكەرلەرى تۋنەلدى پايدالانۋدى ۇيىمداستىرۋعا قاتىسى بار بارلىق تۇلعالاردى، قىرعىز رەسپۋبليكاسىنىڭ مەملەكەتتىك شەكاراسىن زاڭسىز كەسىپ وتكەن تۇلعالاردى جانە ەل اۋماعىنا زاڭسىز كىرگىزىلگەن تاۋار تۇرلەرىن انىقتاۋ بويىنشا ءتيىستى شارالاردى باستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى