قىرعىزستاندا جۋرناليستەردىڭ ءۇيى مەن جۇمىس ورنىن ءتىنتۋ جالعاسىپ جاتىر

تەرگەۋ قىزمەتى تاراپىنان جان-جاقتى تەكسەرۋ جۇرگىزۋ ماقساتىندا اتالعان دەرەك قىرعىز رەسپۋبليكاسى ىشكى ىستەر مينيسترلىگىنىڭ ءبىرىڭعاي رەەسترىنە تىركەلىپ، سوت- لينگۆيستيكالىق ساراپتاما تاعايىندالدى.

12-قاڭتارداعى ساراپتاما قورىتىندىسى بويىنشا «ايت ايت دەسە» جانە «تەميروۆ Live» پاراقشالارانىدا جاريالانعان ماتەريالداردا نارازىلىق پەن تارتىپسىزدىككە شاقىرۋ بەلگىلەرى بار ەكەنى انىقتالدى.

ق ر ءى ءى م جەدەل-ىزدەستىرۋ قىزمەتى ءتيىستى تەرگەۋ امالدارىن جۇرگىزىپ، ق ر ق ك 278-باپ 3- ءبولىمى بويىنشا قىلمىستىق ءىس قوزعالدى.

قازىرگى ۋاقىتتا قىرعىز رەسپۋبليكاسى ىشكى ىستەر مينيسترلىگىنىڭ جەدەل قىزمەتتەرى بىرنەشە مەكەنجايدا جەدەل-ىزدەستىرۋ شارالارىن جۇرگىزىپ جاتىر.

ەستەرىڭىزگە سالا كەتەيىك، قىرعىز رەسپۋبليكاسىنىڭ ۇلتتىق قاۋىپسىزدىك كوميتەتى سوعىس ناسيحاتتاۋ بويىنشا قوزعالعان قىلمىستىق ءىس اياسىندا بىشكەكتەگى 24.kg اقپارات اگەنتتىگىنىڭ كەڭسەسىنە ءتىنتۋ جۇرگىزۋدى باستاعانى حابارلانعان بولاتىن.

قىرعىزستان پرەزيدەنتى سادىر جاپاروۆ «كابار» اگەنتتىگىنە بەرگەن سۇحباتىندا ەلدە بيلىكتى كۇشپەن اۋىستىرۋعا نەگىز جوق ەكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى