قىرعىزستاندا جەمقورلىققا قارسى كۇرەس شارالارى مەملەكەتكە 125 ميلليارد دوللاردى قايتاردى
استانا. قازاقپارات- قىرعىزستاندا جەمقورلىقپەن كۇرەسكە باعىتتالعان شارالاردىڭ ناتيجەسىندە 4 جىلدا 125 ميلليارد دوللار مەملەكەتكە قايتارىلعان. بۇعان قۇقىق بۇزۋشىلىق تۋرالى حابارلاۋ تاجىريبەسى دە سەپتىگىن تيگىزگەن.
ال ا ق ش- تىڭ ساۋدا مينيسترلىگىنىڭ سايتىندا جەدەل جەلى جۇمىس ىستەيدى. وندا حالىقارالىق كەلىسىمشارتتار جاساۋ كەزىندە پارا الۋ دەرەگى تۋرالى حابارلاۋعا بولادى. قىرعىزستاندا "جەمقورلىق قۇقىق بۇزۋشىلىق جايلى حابارلاعان تۇلعالاردى قورعاۋ تۋرالى" زاڭ 4 جىلدان بەرى جۇمىس ىستەيدى. جەمقورلىق دەرەكتەرىن حابارلاعان ازاماتتار قازىناعا قايتارىلعان اقشانىڭ 10 پايىزى كولەمىندە سىياقى الادى. ءبىراق ول ءبىر ميلليون سومنان اسپاۋ كەرەك. ەگەر تۇرعىندار بىرنەشە قۇقىق بۇزۋشىلىق تۋرالى حابارلايتىن بولسا، وندا ءبىر رەتتىك تولەم مەملەكەتكە كەلتىرىلگەن ەڭ ءىرى شىعىندى ەسەپكە الا وتىرىپ تولەنەدى.
وڭتۇستىك كورەيا جەمقورلىقپەن كۇرەستە قاتاڭ شارالار قولدانادى
وڭتۇستىك كورەيا جەمقورلىقپەن كۇرەستە قاتاڭ شارالار قولدانادى. سونىڭ ارقاسىندا مەملەكەت بىلتىر جەمقورلىقتى قابىلداۋ يندەكسىندە ۇزدىك وتىز ەلدىڭ قاتارىنا كىرگەن. ءتيىمدى كۇرەس شارالارىنىڭ قاتارىندا جەمقورلىق جايلى حابارلاۋ تاجىريبەسى بار. ازاماتتار مۇنداي دەرەكتەر تۋرالى ارنايى كوميسسياعا اقپارات بەرەدى. كوميسسيا تۇرعىننىڭ قاۋىپسىزدىگىن قامتامسىز ەتىپ، كەي جاعدايدا سىياقى دا بەلگىلەيدى. ءبىراق ونىڭ مولشەرى كوپ جاعدايدا جاريالانبايدى.
جەمقورلىق تۋرالى حابارلاعان امەريكاندىقتار $5 ميلليون سىياقى الۋى مۇمكىن
ا ق ش- تا جەمقورلىق جاساعان ادام جاۋاپكەرشىلىككە تارتىلعاننان كەيىن، ونىڭ وسى ارەكەتى تۋرالى الدىن الا حابارلاعان ازاماتقا سىياقى تولەنەدى. بۇدان بولەك ەلدە كاررا اتتى باعدارلاما بار. ول بويىنشا پارا الۋشى جاۋاپكەرشىلىككە تارتىلماي-اق قۇزىرلى ورىندارعا اقپارات بەرگەن ادام اكتيۆتەردى بۇعاتتاۋعا نە قاراجاتتى قازىناعا قايتارۋعا كومەكتەسكەنى ءۇشىن 5 ميلليون دوللارعا دەيىن سىياقى الا الادى.
24.kz
