قىرعىزستاندا جاپپاي تارتىپسىزدىك ۇيىمداستىرماق بولعان 11 ادام ۇستالدى
استانا. KAZINFORM - ولاردىڭ اراسىندا جوگوركۋ كەنەشتىڭ بۇرىنعى دەپۋتاتى دا بار، دەپ حابارلايدى Kazinform مەنشىكتى ءتىلشىسى.
ازاماتتاردى ەلدە ويران سالۋ جانە مۇلىكتى قيراتۋمەن ۇلاساتىن جاپپاي تارتىپسىزدىكتەردى ۇيىمداستىرۋعا شاقىرعانى جانە دايىنداعانى ءۇشىن جوگوركۋ كەنەشتىڭ بۇرىنعى دەپۋتاتى جانە تاعى 10 ادام ۇستالدى.
قىرعىزستاننىڭ ءى ءى م مالىمەتتەرى بويىنشا «كىرك ۋرۋۋ جەتي دۋبان ىنتىماعى» قوعامدىق بىرلەستىگىنىڭ جەكەلەگەن مۇشەلەرى تۇراقتى تۇردە كەزدەسۋلەر وتكىزىپ، ەلدەگى جاعدايدى تۇراقسىزداندىرۋعا باعىتتالعان جاپپاي تارتىپسىزدىكتەر، نارازىلىق اكسيالارى مەن ميتينگىلەردى ۇيىمداستىرۋعا ازاماتتاردى دايىنداۋدى جانە شاقىرۋدى جۇزەگە اسىرعان.
ق ك ق ك- ءنىڭ 278-بابى «زورلىق- زومبىلىققا ۇلاساتىن جاپپاي تارتىپسىزدىكتەردى ۇيىمداستىرۋ» بويىنشا قىلمىستىق ءىس قوزعالدى.
كۇدىكتىلەردىڭ تۇرعىلىقتى جەرى بويىنشا ءتىنتۋ جۇرگىزىلدى. ناتيجەسىندە گراناتالار، مىلتىقتار، تاپانشا، وق- دارىلەر، كامۋفلياج، ەسىرتكى زاتتارى، ءدىني ادەبيەتتەر، ارنايى ماسكالار (بالاكلاۆالار)، جاپپاي تارتىپسىزدىكتەردى ۇيىمداستىرۋ جونىندەگى نۇسقاۋلىقتار، سۋىق قارۋ، اۆتوموبيل نومىرلەرى، ۇيالى تەلەفوندار، فلەش كارتالار تاركىلەندى.
بارلىق 11 ازامات، ونىڭ ىشىندە پارلامەنتتىڭ بۇرىنعى دەپۋتاتى ۋاقىتشا ۇستاۋ يزولياتورىنا قامالدى. تەرگەۋ جۇرگىزىلۋدە.
وسىعان دەيىن قىرعىزستاندا پارا الدى دەگەن كۇدىكپەن سۋديا ۇستالعانى انىقتالدى.
