قىرعىزستانعا 80 ميلليون رۋبل الىپ وتپەك بولعان وزبەكستاندىق ۇستالدى
تاشكەنت. KAZINFORM - وزبەكستان مەملەكەتتىك قاۋىپسىزدىك قىزمەتىنىڭ (م ق ق) ماماندارى قىرعىزستانعا 80 ميلليون رۋبل (909 مىڭ دوللار) الىپ وتپەك بولعان نامانعان وبلىسىنىڭ تۇرعىنىن ۇستادى.
مەملەكەتتىك قاۋىپسىزدىك قىزمەتىنەن مالىمدەگەندەي، 1990 -جىلى تۋعان ازامات Lacetti ماركالى كولىگىمەن شەكاراعا قاراي بەت العان. م ق ق ماماندارى ونى قىرعىزستاننىڭ جالال- اباد وبلىسى الي- بۋكين اۋدانىمەن شەكتەسەتىن نامانعان وبلىسىنداعى يانگيقورعان ەلدى مەكەنىندە توقتاتىپ، كولىگىن تەكسەرگەن.
ونىڭ بارىسىندا سالوننان 3 پوليەتيلەن پاكەتكە ورالعان 79,99 ميلليون رۋبل (909500 دوللار) تابىلدى. ۇستالعان كۋرەر شەكارا ارقىلى اقشا وتكىزىپ بەرگەنى ءۇشىن 300 دوللار اقى الماق بولعان.
ونىڭ ۇسىتنەن ءو ر قىلمىستىق كودەكسىنىڭ «اسا ءىرى مولشەردە كەدەن زاڭناماسىن بۇزۋعا دايىندالۋ» بابى بويىنشا قىلمىستىق ءىس قوزعالدى. قازىر كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى قولدانىلدى.
