قىرعىزستان پرەزيدەنتى سادىر جاپاروۆ استاناعا كەلدى
استانا. KAZINFORM - قىرعىزستان پرەزيدەنتى استاناعا ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە جانە «ورتالىق ازيا + جاپونيا» ديالوگى مەملەكەتتەر باسشىلارىنىڭ ءبىرىنشى سامميتىنە قاتىسۋ ءۇشىن كەلدى، وندا ينتەگراتسيالىق ۇدەرىستەردى ودان ءارى دامىتۋ ماسەلەلەرى تالقىلانادى.
سادىر جاپاروۆتى پرەمەر- مينيستر ولجاس بەكتەنوۆ اۋەجايدا قارسى الدى.
وتكەن جىلدىڭ قورىتىندىسى بويىنشا قازاقستان مەن قىرعىزستان اراسىنداعى تاۋار اينالىمى %26 دان استام ءوستى. وسى جىلدىڭ 5ايىندا ءوزارا ساۋدا كولەمى $614,3 ميلليوندى قۇرادى، بۇل رەتتە قازاقستاندىق تاۋارلار ەكسپورتى %6,7 عا ارتتى.
قازىرگى ۋاقىتتا بيىلعى ءساۋىر ايىندا ەكى مەملەكەت باسشىلارى قول قويعان قازاقستان مەن قىرعىزستان اراسىنداعى وداقتاستىق قاتىناستى تەرەڭدەتۋ جانە كەڭەيتۋ تۋرالى شارت ەرەجەلەرىن ىسكە اسىرۋ بويىنشا ۇكىمەتتەر دەڭگەيىندە بىرلەسكەن جۇمىس جۇرگىزىلۋدە.
اتاپ ايتقاندا، ساۋدا-ەكونوميكالىق، كولىك-لوگيستيكالىق ىنتىماقتاستىقتى ارتتىرۋ، سۋ-ەنەرگەتيكا، اۋىل شارۋاشىلىعى سالالارىنداعى ءوزارا ءىس-قيمىلدى تەرەڭدەتۋ جۇمىستارى اتقارىلۋدا.
