قىرعىز ۇكىمەتىنىڭ باسشىسى قازاقستانمەن اراداعى بايلانىستاردى دامىتۋدىڭ باسىم باعىتتارىن اتادى
استانا. KAZINFORM - قىرعىز رەسپۋبليكاسى مينيسترلەر كابينەتىنىڭ ءتوراعاسى - پرەزيدەنت اكىمشىلىگىنىڭ باسشىسى ادىلبەك قاسىمالييەۆ پرەمەر-مينيستر ولجاس بەكتەنوۆ ەلورداداعى كەزدەسۋدە قازاقستانمەن اراداعى بايلانىستاردى دامىتۋدىڭ باسىم باعىتتارىن اتادى.
- راسىمەن دە ەكى باۋىرلاس مەملەكەتتىڭ اراسىنداعى ەكىجاقتى ىقپالداستىق ايرىقشا ستراتەگيالىق سيپاتقا يە. بىلتىر قىرعىز رەسپۋبليكاسىنىڭ پرەزيدەنتى سادىر نۇرعوجا ۇلى جاپاروۆتىڭ قازاقستانعا رەسمي ءىسساپارى يگىلىكتى ءوتىپ، جوعارى مەملەكەتارالىق كەڭەستىڭ كەزەكتى وتىرىسى بولدى. ودان بولەك ەكى مەملەكەتتىڭ پارلامەنتتەرى مەن ۇكىمەتتەرىنىڭ، مينيسترلىكتەر مەن ۆەدومستۆولاردىڭ جەتەكشىلەرى دەڭگەيىندە ءىس ساپارلار مەن كەزدەسۋلەر ءوتتى. سونىڭ ناتيجەسىندە ىقپالداستىقتىڭ ءبىرقاتار وزەكتى ماسەلەلەرى بويىنشا مامىلەلەرگە قول جەتكىزىلدى، - دەدى ول.
قىرعىز ەلىنەن كەلگەن مارتەبەلى مەيمان ءوزارا ساۋدا مەن ينۆەستيتسيادا، مادەني جانە گۋمانيتارلىق ىقپالداستىقتا جاقسى ناتيجەلەرگە جول اشىلعانىن اتاپ ءوتتى.
- قىرعىز رەسپۋبليكاسى مەن قازاقستان رەسپۋبليكاسىنىڭ اراسىنداعى بىرلىك مامىلەلەردى تەرەڭدەتۋ جانە كەڭەيتۋ جونىندەگى كەلىسىمگە قول قويىلدى. بۇل ءبىزدىڭ ستراتەگيالىق سەرىكتەستىگىمىزدى بەكەمدەۋ جولىنداعى تاعى ءبىر ماڭىزدى قادام جانە ەكى مەملەكەتتىك اراسىنداعى ايرىقشا مامىلەلەردىڭ ايقىن دالەلى دەسەك بولادى. جاڭا عانا سىزبەن شاعىم قۇرامداعى كەزدەسۋدە ءبىز وزەكتى جانە كەلەشەكتەگى ماسەلەلەردى تالقىلاپ، بۇعان دەيىن قول جەتكىزىلگەن ەكىجاقتى مامىلەلەردى ىسكە اسى بارىسىن قايتا قاراپ شىعۋعا ۋاعدالاستىق. ءبىز بىرلەسكەن ارەكەتتەر ارقىلى زور ناتيجە بەرىپ تۇرعان تارماقتارعا باسىمدىق بەرۋدى ۇسىنامىز. بۇلار - ساۋدا- ەكونوميكا، ونەركاسىپ، اۋىل شارۋاشىلىعى، ينۆەستيتسيا، كولىك، ەنەرگەتيكا، جول، ءبىلىم بەرۋ جانە تۋريزم تارماقتارى، البەتتە، مادەني- گۋمانيتارلىق بايلانىستارىمىزدى نازاردان تىس قالدىرمايمىز، - دەدى قىرعىز ۇكىمەتىنىڭ باسشىسى.
ەسكە سالساق قازاقستاننىڭ قىرعىز ەكونوميكاسىنا قۇيعان ينۆەستيتسياسى 1,3 ميلليارد دوللارعا ارتقان ەدى.
