قىلمىسكەرلەر ەلەكتروندىق ساتۋ جۇيەسىنە كىرىپ، 450 ميلليون تەڭگەنىڭ تاۋارىن ۇرلاعان
استانا. KAZINFORM - استانا قالاسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى پروكۋراتۋرانىڭ كومەگىمەن ءىرى ساۋدا جەلىلەرىنىڭ بىرىنە تيەسىلى تاۋارلىق- ماتەريالدىق قۇندىلىقتاردى ۇرلاۋ سحەماسىن جويدى.
Polisia.kz-ءتىڭ مالىمەتىنشە، قىلمىستىق توپ ساۋدا جەلىسىنىڭ بۇرىنعى قىزمەتكەرلەرىمەن كەلىسە وتىرىپ، ەلەكتروندىق ساتۋ جۇيەسىنە زاڭسىز كىرۋ مۇمكىندىگىن پايدالانىپ، ەكى جىل ىشىندە جالپى سوماسى 450 ميلليون تەڭگەدەن استام تاۋارىن ۇرلاعان.
قىلمىستىق جولمەن الىنعان تەحنيكا ەلىمىزدىڭ بىرنەشە قالاسىندا ساتىلعان.
- 20 دان استام ءتىنتۋ ءىس- شارالارى وتكىزىلدى، 120 دان استام ءتۇرلى تەحنيكا، ونىڭ ىشىندە بەلگىلى وندىرۋشىلەردىڭ ونداعان ۇيالى تەلەفوندارى، ءىرى كولەمدە اقشا، تراۆماتيكالىق تاپانشالار جانە ءارتۇرلى كاليبرلى پاتروندار تاركىلەندى. سوتقا دەيىنگى تەرگەپ- تەكسەرۋ اسا ءىرى مولشەردەگى ۇرلىق جانە الاياقتىق فاكتىلەرى بويىنشا جۇرگىزىلىپ جاتىر، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
ەسكە سالساق ونلاين- كازينو ويىنىن ۇيىمداستىرعان قىلمىستىق توپتىڭ قىزمەتى توقتاتىلعان ەدى.
