قىلمىس الەمىنىڭ سەركەسى بولعان كولبايەۆتىڭ 720 پاتەرى مەملەكەت مەنشىگىنە ءوتتى

بۇل تۋرالى كابار اگەنتتىگىندە بولعان باسپا ءسوز كونفەرەنسياسى كەزىندە مەملەكەت مەنشىگىن باسقارۋ مەملەكەتتىك اگەنتتىگى ديرەكتورىنىڭ ءبىرىنشى ورىنباسارى مەدەر ماشيەۆ ءمالىم ەتتى، دەپ حابارلايدى Kazinform.

ونىڭ سوزىنشە، اڭگىمە قۇرىلىسى اياقتالماعان پاتەرلەر تۋرالى بولىپ وتىر. ولار، جوسپار بويىنشا، 2027 -جىلى سالىنىپ بىتەدى.

سونداي- اق، ول بۇدان بولەك 2023 -جىلدىڭ 10 ايىندا مەملەكەت مەنشىگىنە 38 جەر تەلىمى مەن ءۇي جانە 356 كولىك وتكەنىن اتاپ ءوتتى.

كەشە قىرعىز رەسپۋبليكاسىنىڭ مەملەكەت مۇلكىن باسقارۋ اگەنتتىگى قىلمىس الەمىنىڭ سەركەسى قامشى كولبايەۆقا تيەسىلى بولعان التى اۆتوكولىك ەلەكتروندىق اۋكسيون ارقىلى ساتىلاتىنىن ءمالىم ەتكەنىن جازعان ەدىك.

بۇعان دەيىن قىرعىزستاندا اتىشۋلى قىلمىستىق اۆتوريتەت قامشى كولبايەۆتى (قامشىبەك اسانبەك) ۇستاۋعا باعىتتالعان ارنايى وپەراتسيا جۇرگىزىلىپ، اتىس كەزىندە ول قارسىلىق كورسەتىپ، ۇ ق ك ارنايى جاساعىنىڭ كۇشىمەن كوزى جويىلعانىن حابارلاعان بولاتىنبىز.

سونداي- اق، قىرعىزستاندا قىلمىستىق ءىس اياسىندا جۇرگىزىلگەن جەدەل- ىزدەستىرۋ شاراسىنىڭ بارىسىندا كولبايەۆقا تيەسىلى بولعان، قۇنى 500 مىڭ ا ق ش دوللارى بولاتىن اسىلتۇقىمدى جىلقىلار تاركىلەندى.

مەملەكەتتىك كەدەن قىزمەتىنىڭ 50-گە جۋىق قىزمەتكەرى مارقۇم بولعان قىلمىس الەمىنىڭ سەركەسى قامشى كولبايەۆپەن تىعىز بايلانىستا بولعانى ءۇشىن جۇمىستان شىعارىلدى.

قامشى كولبايەۆتىڭ ۇيىمداسقان قىلمىستىق توبى قىرعىزستاننىڭ بۇرىنعى پرەمەر- ءمينيسترى ساپار يساكوۆقا سىيلاعان ليۋكس ساناتىنداعى بروندى اۆتوكولىك تە تاركىلەنگەنىن ەسكە سالا كەتەيىك.

اۆتور

بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى