قوسىمشا قۇن سالىعىن ەسەپتەۋدىڭ تومەنگى شەگى 15 ميلليون تەڭگە بولادى - سەرىك جۇمانعارين
استانا. KAZINFORM - پرەمەر-ءمينيستردىڭ ورىنباسارى-ۇلتتىق ەكونوميكا ءمينيسترى سەرىك جۇمانعارين ۇكىمەت وتىرىسىندا قوسىلعان قۇن سالىعىن سارالاپ رەتتەۋدىڭ باستى جاڭاشىلدىقتارىن تانىستىردى.
- بۇگىندە كاسىپورىنداردىڭ تەك 4 پايىزى عانا قوسىلعان قۇن سالىعىن تولەپ وتىر. كوپتەگەن كومپانيا سالىقتان جالتارۋ ءۇشىن سانالى تۇردە بيزنەسىن بىتىراتىپ تاستاعان. بۇل سالىق جۇيەسىن ءبۇلدىرىپ، ق ق س-تى قالىپتى ەسەپتەۋگە كەدەرگى كەلتىرەدى. سوندىقتان ق ق س ەسەبىنە الۋدىڭ ەڭ تومەنگى شەگىن 80 ميلليون تەڭگەدەن 15 ميلليون تەڭگەگە دەيىن تومەندەتۋدى ۇسىنامىز، - دەدى ۆيتسە-پرەمەر.
سونداي-اق، ول كەلەشەكتە سالىق تولەۋدەن جالتارماي، ادال جۇمىس ىستەۋ بيزنەستى ىدىراتۋ شىعىندارىنان تومەن بولاتىنداي جاعداي جاسالاتىنىن اتاپ ءوتتى.
- بۇل بيزنەسكە تەڭگەرىمدى جاعداي تۋىنداتىپ، سالىقتان جالتارۋ سحەمالارىنىڭ جولىن كەسەدى، - دەگەن سەرىك جۇمانعارين بۇل ماسەلەدە حالىقارالىق تاجىريبە باسشىلىققا الىنعانىن ايتتى.
ەسكە سالساق، كەشە ۇكىمەت ق ق س-نى سارالاپ ەنگىزۋدىڭ جاڭا شارتتارىن جاريالاعان بولاتىن.
اۆتور
ەسىمجان ناقتىباي
