قوسىلعان قۇن سالىعىنىڭ شەگى وسسە، الەۋمەتتىك سالاعا قالاي اسەر ەتەدى

- بۇل ۇسىنىس ازىرگە تالقىلانىپ جاتىر. بۇگىن ۇكىمەت وتىرىسىندا ۆيتسە-پرەمەر سەرىك جۇمانعارين بيزنەس وكىلدەرىمەن تالقىلاۋعا وڭىرلەرگە شىعاتىنىن حابارلادى. ءبىز بارلىق ايماقتىڭ، بيزنەستىڭ جانە باسقا قۇرىلىمداردىڭ پىكىرىن جينايمىز، سودان كەيىن شەشىم قابىلدانادى، - دەدى تامارا دۇيسەنوۆا ب ا ق وكىلدەرىنىڭ ساۋالىنا جاۋاپ بەرە تۇرىپ.

وسىلايشا ۇكىمەت باسشىسىنىڭ ورىنباسارى سوڭعى ءارى ناقتى شەشىمنىڭ قابىلدانۋىن كۇتۋدى سۇراپ وتىر.

- جۇمىس توبىنىڭ ۇسىنىستارى مەن ەسەبىن كۇتەيىك، سودان سوڭ جالپى الەۋمەتتىك قورعاۋ شارالارى مەن الەۋمەتتىك سالاعا اسەرى تۋرالى ايتۋعا بولادى، - دەپ قىسقا قايىردى ۆيتسە-پرەمەر.

كەشە ۇكىمەت قوسىلعان قۇن سالىعى مولشەرلەمەسىنە قاتىستى جاڭا ۇسىنىس ايتتى.

- ءبىز مىناداي تەتىكتى قاراستىرۋدى ۇسىنامىز: جالپى بەلگىلەنگەن قوسىلعان قۇن سالىعى مولشەرلەمەسى %16، اۋىل شارۋاشىلىعى ونىمدەرىن وندىرۋشىلەردى قوسىلعان قۇن سالىعىنان تولىق بوساتۋ، ال ءبىرقاتار سالالار ءۇشىن - %10 مولشەرىندەگى ارالىق مولشەرلەمە. وسىلايشا، ۇكىمەت ۇسىنىپ وتىرعان مولشەرلەمەلەردى سارالاۋ: %16، %10، %0 جانە بوساتۋ، - دەپ ءتۇسىندىردى ۇلتتىق ەكونوميكا ۆيتسە-ءمينيسترى ازامات ءامرين.

ايتا كەتەيىك، مەملەكەت باسشىسى بىرەر كۇن بۇرىن بيزنەس وكىلدەرىمەن كەزدەسۋدە قوسىلعان قۇن سالىعىنىڭ مولشەرلەمەسى سارالانىپ بەلگىلەنۋى تيىستىگىن ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى