قوستانايدا ان-2 ساناۆياتسيا ۇشاعى اپاتتى جاعدايدا قوندى
استانا. KAZINFORM - بۇگىن قاتتى بوران كەزىندە ارقالىق قالاسىنان 1,5 ك م قاشىقتىقتا، اۋەجاي ماڭىندا، قوستاناي - ارقالىق باعىتىنداعى ان-2 سانيتارلىق اۆياتسيا ۇشاعى اپاتتى جاعدايدا قونۋعا ءماجبۇر بولعان.
ت ج م مالىمەتىنشە، اۋە كەمەسىندە ءتورت ادام بولعان: ەكى ۇشقىش جانە ەكى دارىگەر. وقيعا تۋرالى حابار تۇسكەننەن كەيىن قوستاناي وبلىسىنىڭ ت ج د ءورت سوندىرۋشىلەرى جەدەل تۇردە وقيعا ورنىنا جىبەرىلگەن.
وبلىستىق ت ج د مەن ارقالىق قالاسىندا جەدەل شتابتار قۇرىلىپ، جەدەل جەلى جۇيەسى جۇمىس ىستەيدى.
قۇتقارۋشىلاردىڭ جىلدام ارەكەتتەرىنىڭ ارقاسىندا ۇشاقتاعى ادامدار امان-ەسەن تابىلىپ، ارقالىق قالاسىنا جەتكىزىلدى. جاراقات العاندار مەن قازا تاپقاندار جوق. وقيعانىڭ سەبەپتەرى انىقتالىپ جاتىر.
ەسكە سالساق، كەشە اقتاۋ ماڭىنداعى ۇشاق اپاتى بويىنشا تەرگەۋدىڭ ەسەبى جاريالانعان بولاتىن.
