قوسشىدا 6 جاسار بالا ءتورتىنشى قاباتتىڭ تەرەزەسىنەن قۇلاپ كەتتى
كوكشەتاۋ. KAZINFORM - قوسشى قالاسىنداعى تۇرعىن ءۇيدىڭ ءتورتىنشى قاباتىنىڭ تەرەزەسىنەن قۇلاپ كەتكەن 6 جاسار بالا اۋرۋحاناعا جاتقىزىلدى.
اقمولا وبلىسى پ د باسپا ءسوز قىزمەتىنىڭ مالىمەتىنشە، جازاتايىم وقيعا 16-شىلدەدە بولعان.
«اتا-اناسى كوز جازىپ قالعان 2018 -جىلعى ۇل بالا ابايسىزدا ءتورتىنشى قاباتتاعى پاتەردىڭ تەرەزەسىنەن قۇلاپ كەتتى. قازىرگى كەزدە ول اۋرۋحاناعا جاتقىزىلدى»، - دەدى ۆەدومستۆودان.
وسى رەتتە، ءتارتىپ ساقشىلارى اتا-انالاردى كىشكەنتاي بالالاردى تەرەزەسى اشىق بولمەدە قاراۋسىز قالدىرماۋعا شاقىرادى.
ايتا كەتسەك بۇدان بۇرىن اقمولا وبلىسىندا ءبىر بالا تەرەزەدەن قۇلاعانىن جازعان ەدىك.
اۆتور
اسلان وسپانوۆ
