قوسشى قالاسىندا كۇشتى جەل سالدارىنان 1229 ابونەنت جارىقسىز قالدى
اقمولا وبلىسىنىڭ قوسشى قالاسىندا ەلەكتر جەسىندەگى اپاتقا بايلانىستى 1229 ابونەنت جارىقسىز قالدى. قازىرگى كەزدە، تابيعاتتىڭ توسىن مىنەزىنەن تۋىنداعان زارداپتاردى جويۋ بويىنشا جۇمىستار جالعاسۋدا، دەپ حابارلايدى Kazinform.
قوسشى قالاسى اكىمدىگىنىڭ مالىمەتىنشە، قاتتى جەلدەن جانە جاڭبىردىڭ سالدارىنان 402،406،102،103،25 ەلەكتر جەلىلەرى اپاتتى جاعدايعا بايلانىستى اجىراتىلدى. قازىرگى كەزدە، بۇل جەلىلەردى كەزەڭ- كەزەڭمەن قوسۋ بويىنشا جۇمىستار جۇرگىزىلىپ جاتىر.
- قازىر 406، 103، 25 جەلىلەرىنىڭ ر پ 1، ر پ 4 ەلەكتر قۋاتىنان اجىراتىلعان. قالا بويىنشا 1229 ابونەنت جارىقسىز وتىر. ەلەكتر جارىعىن قالپىنا كەلتىرۋ جۇمىستارى جالعاسۋدا، - دەدى قالا اكىمنىڭ باسپا ءسوز قىزمەتىنەن Kazinform ءتىلشىسى ساۋالىنا.
سونىمەن قاتار، ساعات 20:28-دە قاتتى جەل لەسنايا پوليانا تۇرعىن ءۇي كەشەنىندە ورنالاسقان №10 ءۇيدىڭ شىتىرىن ۇشىرعان.
- وندا زارداپ شەككەندەر جوق. جەرگىلىكتى اتقارۋشى ورگاندار مەن پوليتسيا قىزمەتكەرلەرى تۇرعىندارعا ەسكەرتىپ، ءۇي اۋلاسىن كولىكتەردەن بوساتتى. بۇل جەردە قالا اكىمىنىڭ ورىنباسارى جانە ءتيىستى قىزمەتتەردىڭ وكىلدەرى جەدەل شارالاردى قولعا الۋدا. بۇعان قوسا، قالا اكىمدىگىنىڭ جانىنان جەدەل شتاب قۇرىلىپ، جۇمىس ىستەپ جاتىر. قاتتى جەل ەلەكتر جەلىسىندەگى اپاتتىڭ زاردابىن جويۋعا كەدەرگى كەلتىرۋدە. دەگەنمەن، قىسقا مەرزىمنىڭ ىشىندە ابونەنتتەرگە جارىق بەرىلەتىن بولادى، - دەپ تولىقتىردى اكىمدىكتىڭ باسپا ءسوز قىزمەتىنەن.
سونىمەن بىرگە، ەلەكتر جارىعىنىڭ ءوشىپ قالۋىنا بايلانىستى قالاعا اۋىز سۋ بەرۋدە قيىندىقتار تۋىنداۋدا.
- سۋ جيناۋ ستانتسياسىندا جارىقتىڭ ءوشىپ قالۋىنا بايلانىستى ارنايى گەنەراتور قوسىلدى. الايدا، ونىڭ قۋاتى جوعارى قاباتتاعى پاتەرلەرگە سۋ جەتكىزۋدە جەتىڭكىرەمەي تۇر. جاقىن ۋاقىتتا ر پ 1، ر پ 4 ىسكە قوسىلسا قالاعا سۋ بەرۋ قالپىنا كەلتىرىلەتىن بولادى»، - دەدى اكىمدىك وكىلدەرى.
