قورعانىس مينيسترلىگى كەنەسارى حاننىڭ سوعىس تاسىلدەرىن زەرتتەپ جاتىر
استانا. KAZINFORM - قورعانىس ءمينيسترىنىڭ ورىنباسارى شايح-حاسان جازىقبايەۆ كەنەسارى حان باسقا دا قازاق باتىرلارىنىڭ سوعىس تاكتيكاسى زەردەلەنىپ جاتقانىن ءمالىم ەتتى.
- بۇگىندە ءبىز كەنەسارى حاننىڭ سوعىس تاسىلدەرىن زەردەلەپ جاتىرمىز. ءار ساراپشىنىڭ ءوز ويى بار، كەنەسارى حان بەينەسىنىڭ قازاق اسكەرىنىڭ العىشارتى بولاتىنىن ۋاقىت كورسەتەدى. ودان بولەك ساعادات نۇرماعامبەتوۆ، باۋىرجان مومىش ۇلىنىڭ ەرتە تاريحتاعى، ورتا تاريحتاعى، كەيىنگى تاريحتاعى سوعىس تاكتيكالارىن زەردەلەپ جاتىرمىز، - دەدى شايح-حاسان جازىقبايەۆ ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ەسكە سالا كەتسەك، 2023 -جىلى ءماجىلىس دەپۋتاتى باقىتبەك سماعۇل كەنەسارى حاننىڭ باس سۇيەگىن رەسەيدەن ەلگە قايتارۋ ماسەلەسىن كوتەرگەن ەدى.
بۇعان دەيىن ب ۇ ۇ قازاقستانعا بىتىمگەرلىك ميسسيالارعا قاتىسقانى ءۇشىن جىلىنا 5 ميلليون دوللار تولەم جاسايتىنى تۋرالى حابارلاعان ەدىك.
اۆتور
داۋلەت ىزتىلەۋ
