قور نارىعىندا دوللار ءبىر تەڭگەگە ارزاندادى

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 1 تەڭگەگە ارزاندادى.

ءبىر ا ق ش دوللارىنىڭ ورتاشا باعامى - 509,51 تەڭگە.

Kurs.kz مالىمەتىنشە، قازىر الماتىنىڭ اقشا ايىرباستاۋ پۋنكتتەرىندە دوللار 512 تەڭگەدەن ساتىلىپ جاتىر، ساتىپ الۋ باعامى - 509 تەڭگە. ەۋرو 570-574 تەڭگە ارالىعىندا قۇبىلىپ تۇر.

ال استانا قالاسى بويىنشا دوللاردى ساتۋ باعامى - 514 تەڭگە، ساتىپ الۋ قۇنى - 508 تەڭگە. ەۋرو 567 تەڭگەدەن ساتىپ الىنىپ، 575 تەڭگەدەن ساتىلىپ جاتىر.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 6,22-6,40 تەڭگە ارالىعىندا ساۋدالانىپ جاتىر.

ۇلتتىق بانكتىڭ 16-مامىرعا ۇسىنعان رەسمي باعامى - ءبىر دوللارعا 510,58 تەڭگە. رەسەي رۋبلىنىڭ ورتاشا سارالانعان قۇنى - 6,34 تەڭگە. ەۋرو - 571,80.

بۇعان دەيىن تيمۋر سۇلەيمەنوۆ بازالىق مولشەرلەمە كەز كەلگەن ۋاقىتتا وزگەرۋى مۇمكىن ەكەنىن ايتقان بولاتىن.

قازاقستاندىق ەكونوميستەر تەڭگەنىڭ نىعايۋىنا مۇمكىندىك بار ەكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى