قور نارىعىندا دوللار ارزاندادى

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 1,62 تەڭگەگە ارزاندادى.

ءبىر ا ق ش دوللارىنىڭ ورتاشا باعامى - 523,17 تەڭگە.

ۇلتتىق بانكتىڭ 3-جەلتوقسانعا ارنالعان رەسمي باعامى - 1 دوللارعا 524,58 تەڭگە. رەسەي رۋبلىنىڭ ورتاشا سارالانعان قۇنى - 4,93 تەڭگە. ەۋرو - 551,91.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 524,5 تەڭگەدەن ساتىلىپ جاتىر، ساتىپ الۋ باعامى - 528 تەڭگە. ەۋرو 548-552 تەڭگە ارالىعىندا قۇبىلىپ تۇر.

ال، استانا قالاسى بويىنشا دوللاردى ساتۋ باعامى - 522 تەڭگە، ساتىپ الۋ قۇنى - 529 تەڭگە. ەۋرو 543 تەڭگەدەن ساتىلىپ، 553 تەڭگەدەن ساتىپ الىنادى.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 4,97-5,07 ارالىعىندا ساۋدالانىپ جاتىر.

ەسكە سالايىق، 2-جەلتوقسان كۇنى دوللار باعامى 12 تەڭگەگە قىمباتتاعان بولاتىن.

ۇلتتىق بانك بازالىق مولشەرلەمەنى %15,25 عا دەيىن كوتەردى.

سونداي-اق ۇلتتىق بانك ءتوراعاسى تيمۋر سۇلەيمەنوۆ دوللار باعامىنىڭ وزگەرۋى يمپورت تاۋارلارى قۇنىنا اسەر ەتۋى مۇمكىن ەكەنىن ايتتى.

ۇلتتىق ەكونوميكا ءمينيسترى نۇرلان بايبازاروۆتىڭ ايتۋىنشا، تەڭگە باعامىنىڭ السىرەۋىنە نەگىزگى ءۇش فاكتور اسەر ەتىپ وتىر.

وسىعان دەيىن ق ر ۇلتتىق بانكى ءتوراعاسىنىڭ ورىنباسارى ۆيتالي تۋتۋشكين دوللار باعامىنىڭ 600 تەڭگەگە دەيىن ءوسۋى مۇمكىن بە دەگەن سۇراققا جاۋاپ بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى