قولجەتىمدى باسپانا - تۇرمىس ساپاسىنىڭ جاقسارعانىن بىلدىرەتىن نەگىزگى كورسەتكىش - توقايەۆ
استانا. KAZINFORM - بىلتىر مەملەكەت الەۋمەتتىك وسال توپتاعى ازاماتتارعا 21 مىڭعا جۋىق پاتەر ساتىپ الدى. بۇل تۋرالى مەملەكەت باسشىسى قاسىم-جومارت توقايەۆ ءمالىم ەتتى.
- تۇرعىندارعا، اسىرەسە الەۋمەتتىك جاعىنان وسال توپتاعى ازاماتتارعا باسپانانىڭ قولجەتىمدى بولۋى - تۇرمىس ساپاسىنىڭ جاقسارعانىن بىلدىرەتىن نەگىزگى كورسەتكىش. بىلتىر مەملەكەت وسى ساناتتاعى ادامدار ءۇشىن 21 مىڭعا جۋىق پاتەر ساتىپ الدى، - دەدى قاسىم-جومارت توقايەۆ ۇلتتىق قۇرىلتايدا.
پرەزيدەنت كەلتىرگەن دەرەككە سۇيەنسەك، سوڭعى ەكى جىلدا ءبىرقاتار قالادا (سەمەي، تاراز، كەنتاۋ، ورال) ەرەكشە قاجەتتىلىگى بار ادامدارعا ارنالعان زاماناۋي وڭالتۋ ورتالىقتارى بوي كوتەردى.
- 2026-جىلدىڭ اياعىنا دەيىن اقتوبەدە، اتىراۋدا، كوكشەتاۋدا، شىمكەنتتە جانە تالدىقورعاندا ءدال وسىنداي ورتالىقتار اشۋ قاجەت، - دەيدى مەملەكەت باسشىسى.
سونداي-اق قاسىم-جومارت توقايەۆ ەل وڭىرلەرىندە وتەتىن ءتۇرلى مادەني-تۋريستىك ءىس-شارالاردى برەند رەتىندە قالىپتاستىرۋ قاجەتتىگىن ايتتى.
ودان بولەك، پرەزيدەنت شەكارالىق ەلدى مەكەندەردىڭ بۇگىنگى احۋالىنا توقتالدى.
