قوجاعاپانوۆ ءىسى: بۇرىنعى ۆيتسە-ءمينيستردىڭ ادۆوكاتى قىلمىستىق ءىستى توقتاتۋدى سۇرادى

بۇگىنگى وتىرىستا قىلمىستىق ىستەر جونىندەگى اۋدانارالىق سوتتا قورعاۋ تاراپى 2025-جىلعى 3-ساۋىردەگى ساراپشىنى تارتۋ تۋرالى باعالاۋشىلار پالاتاسىنىڭ قاۋلىسىن كەرى قايتارىپ الۋعا ءوتىنىش ءبىلدىردى. ادۆوكاتتار بۇل قاۋلىنىڭ كۇشىن جويۋدى نەمەسە ول جىبەرىلمەگەن بولسا، مۇلدە جىبەرمەۋدى تالاپ ەتتى.

- ماماندى نە ءۇشىن تارتىپ وتىر؟ ءبىز مۇلدە كەلىسپەيمىز، - دەدى بۇرىنعى ۆيتسە-ءمينيستردى قورعاۋ تاراپى.

ەسكە سالا كەتەيىك، بۇعان دەيىنگى سوت وتىرىسىندا ەرلان قوجاعاپانوۆ ىسىندە كورسەتىلگەن شىعىنداردى باعالاۋ ءۇشىن ەلوردالىق باعالاۋشىلار پالاتاسىنىڭ مامانىن تارتۋ تۋرالى شەشىم قابىلداعان ەدى. ساراپشى 2018-جىلى فورۋمدى ۇيىمداستىرۋ مەن وتكىزۋگە جۇمسالعان تاۋارلار مەن قىزمەتتىڭ نارىقتىق قۇنىن انىقتاۋى ءتيىس بولعان.

- مەن سىزدەن بىرنەشە رەت سۇرادىم، سوت وتىرىسىندا انىقتالعان دەرەكتەر قىلمىستىق ءىستى دەرەۋ توقتاتۋ ءۇشىن جەتكىلىكتى، - دەيدى ە. قوجاعاپانوۆتىڭ ادۆوكاتى.

ەكس-شەنەۋنىكتى قورعاۋ تاراپىنىڭ پايىمداۋىنشا، قىلمىستىق ءىس «باگام-اۋديت» ج ش س دايىنداعان قورىتىندى نەگىزىندە تىركەلگەن، ال ول قىلمىستىق-پروتسەستىك كودەكستىڭ 181-بابىنىڭ 5-بولىگىنە سايكەس مامان رەتىندە ارەكەت ەتۋگە قۇقىعى بولماعان. ادۆوكاتتاردىڭ ايتۋىنشا، بۇل جاعداي قىلمىستىق ءىستىڭ زاڭسىز قوزعالۋىنا نەگىز.

ايتا كەتەيىك، بۇعان دەيىن وتكەن سوت وتىرىسىندا سوت ەكس-شەنەۋنىك اكەلگەن شىعىندى ەسەپتەۋ ءۇشىن ساراپشى تارتۋ تۋرالى شەشىم شىعارعان ەدى.

ەسكە سالساق، بىلتىر 1-ناۋرىزدا سىبايلاس جەمقورلىققا قارسى قىزمەت مادەنيەت جانە سپورت ەكس-ۆيتسە-ءمينيسترىن اۋىر جەمقورلىق قىلمىس جاسادى دەگەن كۇدىك بويىنشا ۇستادى. انتيكوردىڭ اقپاراتىنشا، ول 2018-جىلى پەتروپاۆل قالاسىندا قازاقستان رەسپۋبليكاسى مەن رەسەي فەدەراتسياسىنىڭ XV ءوڭىرارالىق ىنتىماقتاستىق فورۋمىنىڭ كورمەسىن ۇيىمداستىرۋ بويىنشا شارت جاساسۋدى قولداعان.

بيىل ناۋرىزدىڭ سوڭىندا انتيكور اتالعان ءىس بويىنشا تەرگەۋ امالدارى اياقتالعانىن حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى