قوجا احمەت ياسساۋي كەسەنەسىنەن 100 مەتر راديۋستا بيىك عيمارات سالۋعا زاڭمەن تىيىم سالىنادى
KAZINFORM. استانا - تۇركىستان قالاسىنا ەرەكشە مارتەبە بەرۋ تۋرالى زاڭ جوباسى تالقىلانىپ جاتىر.
پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ زاڭ جوباسىن ازىرلەگەن كەزدە انگليا، يتاليا، وزبەكستان، ازەربايجان سياقتى ەلدەردىڭ تاجىريبەسى نەگىزگە الىنعانىن ايتتى.
زاڭ جوباسىنىڭ مىنانداي نەگىزگى جاڭاشىلدىقتار بار:
- تۇركىستان قالاسىنىڭ ارحەولوگيا ەسكەرتكىشتەرىنىڭ رەزەرۆاتىن قۇرۋ؛
- ۇلتتىق قولونەر سالاسىنداعى شەبەرلەردىڭ شىعىندارىن ءىشىنارا بيۋدجەتتەن وتەۋ؛
- قوجا احمەت ياساۋي كەسەنەسىنىڭ اينالاسىنداعى قۇرىلىستى شەكتەۋ، قۇرىلىستىڭ بوگدە ەلەمەنتتەرىنە جول بەرمەۋ جانە ونىڭ بىرەگەيلىگىن ساقتاۋ.
- كەسەنەنى قورعاۋ ايماعىنىڭ شەكاراسىنا ىرگەلەس جاتقان ءجۇز مەترلىك قاشىقتىقتا بيىكتىگى جەتى مەتردەن اساتىن، اۋقىمى، ءتۇسى جانە قۇرىلىس ماتەريالدارى بويىنشا تاريحي ەسكەرتكىشتەرمەن سايكەس كەلمەيتىن وبەكتىلەر سالۋعا جول بەرىلمەيدى. مەملەكەتتىك الەۋمەتتىك وبەكتىلەردى سالۋ ءۇشىن جەكە قۇرىلىس سالۋشىلارعا ۋاقىتشا وتەۋسىز جەر پايدالانۋ قۇقىعىن الۋ جانە بەرۋ بويىنشا قالا اكىمدىگىنە قۇزىرەت بەرۋ ۇسىنىلىپ وتىر، - دەدى ۆيتسە- پرەمەر.
بۇعان دەيىن تۇركىستان وبلىسىندا 30 عا جۋىق اۋىل ىشىمدىكتەن باس تارتقانى تۋرالى مالىمەت تاراعان ەدى.
