قوشقار اتا ۋلى قالدىقتار قويماسىنىڭ اينالاسى كوگالداندىرىلادى - مينيسترلىك

- ماڭعىستاۋ وبلىسى اكىمدىگى «قوشقار اتا» رادياتسيالىق قالدىق قويماسىنا جۇرگىزىلگەن قوسىمشا زەرتتەۋ ناتيجەسىنە بايلانىستى قالپىنا كەلتىرۋ جۇمىسىن توقتاتتى. سونىمەن قاتار، اتالعان زەرتتەۋدىڭ قورىتىندىسىنا قاراي قالدىق قويماسىنىڭ اينالاسىن كوگالداندىرۋ جونىندە شەشىم قابىلداندى، - دەيدى ۆيتسە-مينيستر.

كوگالداندىرۋ ءۇشىن ەندى ارنايى جوبا جاساقتالىپ، قارجىلاندىرۋ كوزدەرى انىقتالماق.

- بيىل بيولوگيالىق رەكۋلتيۆاتسيا جوباسىنىڭ جوبالاۋ-سمەتالىق قۇجاتتامانى ازىرلەۋ ارقىلى مەملەكەتتىك ساراپتامانىڭ وڭ قورىتىندىسىن الامىز دەپ كۇتىپ وتىرمىز. اتالعان جوبا ارقىلى قالدىق قويماسىن بيولوگيالىق رەكۋلتيۆاتسيالاۋ جونىندەگى بۇكىل جۇمىستىڭ قۇنى بەلگىلەنەدى، ونىڭ نەگىزىندە قارجىلاندىرۋ كوزدەرى ايقىندالادى، - دەيدى ەكولوگيا جانە تابيعي رەسۋرستار ۆيتسە-ءمينيسترى جومارت اليەۆ.

ايتا كەتەيىك، قوشقار اتا ۋلى كولىندە بەلسەندىلىگى جوعارى راديواكتيۆتى 150 ميلليون توننا قالدىق جينالعان.

ونىڭ ىشىندە ۋران رۋداسى - 51,8 ميلليون توننا. ال، ونىڭ زاردابىن اينالاسىندا تۇراتىن 400 مىڭعا جۋىق حالىق تارتىپ وتىر.

بۇعان دەيىن 52 ميلليون توننا ۋران قالدىعى جاتقان «قوشقار اتا» رادياتسيالىق قويماسىنىڭ كەلەشەگى تۋرالى جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى