قوشانوۆ بيىل «AMANAT» - تىڭ الدىندا تۇرعان باسىم باعىتتاردى اتادى
استانا. KAZINFORM - ءماجىلىس سپيكەرى، «AMANAT» ءتوراعاسى ەرلان قوشانوۆ ۇيىمداستىرۋشىلىق جيىن بارىسىندا بىلتىر اتقارىلعان جۇمىستى قورىتىندىلاپ، ءبىرقاتار باسىم مىندەتتى ايقىندادى.
كەڭەسكە پارتيانىڭ وڭىرلىك فيليالدارى قوسىلىپ، باسقوسۋ بەينەكونفەرەنسبايلانىس رەجيمىندە ءوتتى.
جيىن بارىسىندا «AMANAT» پارتياسىنىڭ ءتوراعاسى مەملەكەت باسشىسى قاسىم- جومارت توقايەۆ پارتيالىق جوبالارعا بىرنەشە رەت جوعارى باعا بەرگەنىنە جانە جۋىردا وتكەن ۇكىمەتتىڭ كەڭەيتىلگەن وتىرىسىندا «اكىمدەر مەكتەبى» جوباسىن ۇيىمداستىرۋدا پارتيانىڭ وڭ تاجىريبەسىن تاعى ءبىر رەت ايرىقشا اتاپ وتكەنىنە نازار اۋداردى. بۇل «AMANAT» پارتياسى اتقارىپ جاتقان جۇمىستىڭ جوعارى تيىمدىلىگىنىڭ كورسەتكىشى جانە ءاربىر پارتيالىققا ەرەكشە جاۋاپكەرشىلىك جۇكتەيدى، دەپ اتاپ ءوتتى ەرلان قوشانوۆ.
- مەملەكەت باسشىسىنىڭ اۋقىمدى رەفورمالارى تابىستى جالعاسۋدا. ەكونوميكاداعى، ت ك ش- داعى جانە وزگە دە سالالارداعى بۇرىننان كەلە جاتقان ماسەلەلەر شەشىلۋدە. ازاماتتاردى تولعاندىراتىن كوپتەگەن وتكىر ماسەلەلەردىڭ بەتى اشىلۋدا. ول - تاريفتەردىڭ ءوسۋى، ازىق- تۇلىكتىڭ قىمباتتاۋى، جانار- جاعار ماي باعاسىنىڭ ءوسۋى، ق ق س. جۇيە قۇراۋشى ساياسي كۇش رەتىندە پارتيا ءوز جوبالارىمەن، قابىلدانىپ جاتقان زاڭدارىمەن ازاماتتار كوتەرگەن ماسەلەلەردى شەشۋگە ءوز ۇلەسىن قوسۋى كەرەك. پارتيا اركىمنىڭ جان دۇنيەسىمەن ۇندەسەتىن قادامدار جاساي بىلۋگە ءتيىس. بۇل - حالىقتىڭ پارتياعا بارىنشا كوپ قولداۋ كورسەتۋىنىڭ كەپىلى، - دەدى ول.
ەرلان قوشانوۆ «AMANAT» - تىڭ الدىندا تۇرعان بيىلعى باسىم باعىتتارعا توقتالدى. ولاردىڭ قاتارىندا «اۋىل اماناتى»، «اكىمدەر مەكتەبى» جانە ت. ب. پارتيالىق جوبالاردى جۇزەگە اسىرۋدى جالعاستىرۋ، جاستارمەن، اسىرەسە اۋىلداعى جانە جۇمىسسىز جاستارمەن جۇرگىزىلەتىن جۇمىستى كۇشەيتۋ، ازاماتتارعا اتاۋلى كومەك ۇسىنۋ، زاڭگەرلىك قولداۋ كورسەتۋ جانە ت. ب. بۇل شارالار قوعامنىڭ ناقتى سۇرانىسىنا جاۋاپ بەرەدى جانە پارتيا تاراپىنان ۇنەمى نازار اۋدارۋدى تالاپ ەتەدى، دەپ اتاپ ءوتتى «AMANAT» ءتوراعاسى.
اتاپ ايتقاندا، 2,5 جىل بويى پارتيالىقتار «جەر اماناتى» كوميسسياسى ارقىلى جەرگە قاتىستى ادىلدىكتى قالپىنا كەلتىرۋ ماسەلەسىمەن اينالىسۋدا. وسى ماسەلە ۇزاق ۋاقىت بويى قوعامدى دۇرلىكتىرىپ كەلدى. پارتيا وسى جۇمىسقا ارالاسقاننان كەيىن عانا بۇل سالاداعى پىكىرتالاستار سىندارلى باعىتقا بەت بۇردى. وسىلايشا، 12 ميلليون گەكتار جەر مەملەكەت مەنشىگىنە قايتارىلىپ، ونىڭ 5 ميلليونى ازاماتتار اراسىندا ءبولىندى. پارتيانىڭ باستاماسى بويىنشا «جايىلىمدار تۋرالى» جاڭا زاڭ جوباسى قابىلداندى. سول ارقىلى كوپتەگەن ماسەلە جۇيەلى تۇردە شەشىلۋدە. اتاپ ايتقاندا، قوعامدىق جايىلىمدار ۇعىمى ەنگىزىلدى. وندا جەردى قۇنارلاندىرۋ، كونكۋرستىق نەگىزدە ءادىل ءبولۋ، مەملەكەت تاراپىنان قارجىلاندىرۋ قادامدارى جانە وزگە دە نورمالار مەن جۇمىستار رەگلامەنتتەلدى.
قارجىلىق ساۋاتتىلىقتى ارتتىرۋعا باعىتتالعان «قارىزسىز قوعام» جوباسى اياسىندا ەكى جىلدا ەل اۋماعىندا 850 مىڭ ادام وقۋدان ءوتتى. حالىقتىڭ شامادان تىس نەسيە الۋىن ازايتۋ بويىنشا پارلامەنتتىك تىڭداۋلار وتكىزىلدى. ال ماجىلىستەگى پارتيا فراكتسياسىنىڭ مۇشەلەرى وسى ماسەلەگە قاتىستى بانكتەردىڭ ەمەس، قاراپايىم ادامداردىڭ مۇددەسىن قورعايتىن تۇزەتۋلەر ەنگىزدى. جالپى، «قارىزسىز قوعام» جوباسى ارقىلى پروبلەمالىق نەسيەلەر دەڭگەيى 2020 -جىلعى %18 دان 2024 -جىلى %7 عا دەيىن تومەندەدى.
ءوز كەزەگىندە، «AMANAT» پارتياسى باتىس قازاقستان وبلىستىق فيليالىنىڭ ءتوراعاسى مۇرات مۇقايەۆ «اۋىل اماناتى» جوباسى اياسىندا 1200 دەن استام ادام جەڭىلدەتىلگەن نەسيە العانىن جانە بۇل قادام 1400 جۇمىس ورنىن قۇرۋعا مۇمكىندىك بەرگەنىن مالىمدەدى. سولتۇستىك قازاقستان وبلىسى ءماسليحاتىنداعى پارتيا فراكسياسىنىڭ جەتەكشىسى يرينا ەكتوۆا دەپۋتاتتار مەملەكەتتىك ورگاندارعا 805 سۇراق جولداعانىن، سونىڭ ناتيجەسىندە بۋلايەۆ سۋ قۇبىرىن قايتا جاڭعىرتۋعا، «جەزقازعان- پەتروپاۆل» تاس جولىن جوندەۋگە جانە 46 مەديتسينالىق نىسان قۇرىلىسىن قارجىلاندىرۋعا قول جەتكىزىلگەنىن اتاپ ءوتتى.
«جاستار رۋحى» قىزىلوردا وبلىستىق فيليالىنىڭ ءتوراعاسى اسەتحان بايمۇرزا IT سالاسىن ناسيحاتتاۋعا باعىتتالعان كونكۋرس تۋرالى ايتىپ، ونىڭ قورىتىندىسى بويىنشا 4 جەڭىمپاز ءبىلىم گرانتىن يەلەنگەنىن جەتكىزدى. وڭىردە «ەرىكتى - كومەككە» جوباسى ءساتتى جۇزەگە اسىپ، ۆولونتەرلەر تۇرعىندارعا 109 سەنىم تەلەفونى ارقىلى كومەك كورسەتۋدە.
ال تۇركىستان وبلىسىنداعى «ورتالىق» باستاۋىش پارتيا ۇيىمىنىڭ ءتوراعاسى دانيار كوبەيەۆ جۇمىسشى ماماندىقتارى جىلى اياسىندا ستۋدەنتتەر مەن ايەلدەرگە تىگىنشىلىك بويىنشا تەگىن شەبەرلىك سىنىپتارى ۇيىمداستىرىلعانىن حابارلادى.
جيىندى قورىتىندىلاي كەلە، «AMANAT» ءتوراعاسى ەرلان قوشانوۆ پارتيالىقتار مەملەكەت باسشىسىنىڭ بارلىق باستاماسىن، پرەزيدەنتىنىڭ «ادىلەتتى قازاقستان: ءبارىمىز جانە ءارقايسىمىز ءۇشىن. قازىر جانە ءاردايىم» سايلاۋالدى باعدارلاماسىن، پارتيانىڭ «حالىقپەن بىرگە!» سايلاۋالدى باعدارلاماسىن، سونداي-اق پارتيالىق جوبالاردى ىسكە اسىرۋ جۇمىسىن كۇشەيتۋگە ءتيىس ەكەنىن اتاپ ءوتتى.
سونىمەن قاتار، پارتيا ءتوراعاسى «AMANAT» - تىڭ ايەلدەر قاناتىنىڭ، «جاستار رۋحى» جاستار قاناتىنىڭ قىزمەتىن جانداندىرۋ جانە قوعامدا سيفرلىق گيگيەنانى ىلگەرىلەتۋ جونىندە ءبىرقاتار تاپسىرما بەردى.
بۇعان دەيىن ماجىلىستەگى «AMANAT» پارتياسى فراكسياسىنىڭ جيىنى بارىسىندا دەپۋتاتتار ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ ەل دامۋىنا قاتىستى بەرگەن تاپسىرمالارىن ىسكە اسىرۋ جانە زاڭنامالىق تۇرعىدا قامتاماسىز ەتۋ ماسەلەلەرىن تالقىلادى.
