قوشانوۆ: ادىلەتتى قازاقستان - قول جەتپەس ارمان ەمەس

- شىن مانىندە، جاڭا، ادىلەتتى قازاقستان قول جەتپەس ارمان ەمەس. ول - حالقىمىزدىڭ تالاپ-تىلەگىنەن، قوعامنىڭ سۇرانىسىنان تۋىنداعان قاجەتتىلىك، ءومىردىڭ شىندىعى. ال، رەفورمالار جاي عانا زاڭدى وزگەرتۋ ەمەس، تۇتاس مەملەكەت پەن قوعامنىڭ بولمىس-ءبىتىمىن جاڭارتۋ، جاڭعىرتۋ، - دەدى سپيكەر.

ونىڭ پايىمداۋىنشا، الەمدە جەتىستىككە جەتۋدىڭ امبەباپ مودەلى جوق. تەك جالپىعا ورتاق پرينتسيپتەر عانا بار.

- ول - ادىلدىك، ەركىندىك جانە دامۋ. پرەزيدەنت قولعا العان رەفورمالاردىڭ دا تۇپكى ءمانى - وسى. ءبىز قازىر مۇلدە جاڭا، وزگەرىستەر داۋىرىندە ءومىر ءسۇرىپ جاتىرمىز. سول تاريحي ۇدەرىستەردىڭ كۋاگەرى ءارى قاتىسۋشىسى بولا تۇرا، ونىڭ ماڭىزىن ءاردايىم تەرەڭ سەزىنە بەرمەيمىز. ونى ۇيرەنشىكتى، كۇندەلىكتى جاعداي سياقتى كورەمىز. ال، شىن مانىندە، كەز كەلگەن تاريحي، تاعدىرلى وقيعالارعا ءوز ۋاقىتىندا، لايىقتى باعا بەرىلۋى كەرەك، - دەدى ەرلان قوشانوۆ.

بۇعان دەيىن پرەمەر- مينيستر ولجاس بەكتەنوۆ ۇكىمەتتىڭ رەسمي سايتىنا «ىلگەرىلەۋگە باستاعان التى جىل: قازاقستان ورنىقتى دامۋ جولىندا» ماقالا جاريالاعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى