قوعامدى قۇمار ويىنداردان ساۋىقتىراتىن زاڭ كەرەك
«AMANAT» پارتياسى 25 جاسقا تولماعاندارعا قۇمار ويىن ويناۋعا تىيىم سالۋدى ۇسىندى. لۋدومانياعا قارسى ءىس- قيمىل جۇرگىزۋدىڭ ءادىس- ءتاسىلى مەن بۋكمەكەرلىك كەڭسەلەردىڭ قىزمەتىن رەتتەۋ ماسەلەلەرى بۇگىن ماجىلىستە فراكسياسىنىڭ كەڭەيتىلگەن جيىنىندا تالقىلاندى.
دەرەكتەرگە سۇيەنسەك، ەلدە 350 مىڭنان استام ادام قۇمار ويىننىڭ قۇرىعىنا تۇسكەن. «AMANAT» پارتياسىنىڭ ءتوراعاسى ەرلان قوشانوۆ لۋدومانيا ادام تاعدىرىنا بالتا شاباتىن قاۋىپتى قۇبىلىسقا اينالىپ بارا جاتقانىن اتاپ ءوتتى. وسىنى ەسكەرگەن ساياسي ۇيىم وكىلدەرى ويىن بيزنەسى، بۋكمەكەرلىك كەڭسەلەر مەن لوتەرەيا قىزمەتتەرى بويىنشا زاڭ جوباسىن دايىنداۋعا باستاماشى بولدى.
ەرلان قوشانوۆ، ق ر پارلامەنتى ءماجىلىسىنىڭ ءتوراعاسى:
- پرەزيدەنت سوڭعى جىلدارى ەلىمىزدە قۇمار ويىندار بەلەڭ الىپ بارا جاتقانىن العا تارتىپ، وسىعان شۇعىل شارالار قابىلداۋدى تالاپ ەتتى. امانات پارتياسىنىڭ وسى الەۋمەتتىك ماڭىزى زور ماسەلەنى شەشۋ ءۇشىن وزقىمىزگە ۇلكەن جاۋاپكەرشىلىك الىپ وتىرمىز. بۇل رەتتە ويىن بيزنەسى ماسەلە بويىنشا زاڭنامالىق وزگەرىستەر ەنگىزەمىز. اتالعان نورما قوعامدى ساۋىقتىرۋعا اسەر ەتەتىنى ءسوزسىز.
www.24.kz
