قۇرىلىسپەن اينالىسۋعا رۇقسات العان كومپانيالاردىڭ ءبارى تەكسەرۋدەن ءوتۋى مۇمكىن
استانا. KAZINFORM - ءماجىلىس جانىنداعى قوعامدىق پالاتانىڭ وتىرىسىندا قۇرىلىس كودەكسىنىڭ جوباسى تالقىلانىپ جاتىر.
قۇجاتتى تانىستىرعان ونەركاسىپ جانە قۇرىلىس ۆيتسە-ءمينيسترى قۋاندىق قاجكەنوۆ جاڭا كودەكس كۇشىنە ەنسە، بۇعان دەيىن قۇرىلىسپەن اينالىسۋعا مەملەكەتتەن رۇقسات العان كاسىپورىنداردىڭ بارىنە ريەۆيزيا جاسالاتىنىن ايتتى.
- بارلىق بەرىلگەن رۇقساتقا تەكسەرۋ جۇرگىزۋ جوسپارلانىپ وتىر. بۇل قۇرىلىس كومپانيالارىنداعى جۇمىسشىلار سانى مەن ماتەريالدىق رەسۋرستاردىڭ كولەمىن ناقتى ۋاقىت رەجيمىندە باقىلاپ، نارىقتان بىلىكتىلىگى جوق كومپانيالاردى الاستاتۋعا مۇمكىندىك بەرەدى، - دەدى ول.
ەسكە سالساق، Kazinform ۇزاق ۋاقىت بويى ءارى قىزۋ تالقىلانىپ كەلە جاتقان قۇرىلىس كودەكسى جوباسىنىڭ اينالاسىندا قانداي سىن مەن شاعىم بار ەكەنىنە شولۋ جاساعان ەدى.
سونداي-اق ەلىمىزدە قۇرىلىس كودەكسى ازىرلەنىپ جاتقانىن جازعان بولاتىنبىز. سونىمەن قاتار شارلاپايەۆ قۇرىلىس پەن مەتاللۋرگيا سالاسىندا پايدا بولعان جاڭا ماماندىقتاردى اتاعان ەدى.
