قۇرىلىس سالاسىنداعى نورماتيۆتەردى رەتتەيتىن ۇلتتىق ينستيتۋت قۇرىلادى
استانا. KAZINFORM - قۇرىلىس زاڭناماسىن ورەسكەل بۇزعان كومپانيالارعا قۇرىلىسپەن اينالىسۋعا تىيىم سالىنۋى مۇمكىن. بۇل تۋرالى ونەركاسىپ جانە قۇرىلىس ۆيتسە-ءمينيسترى قۋاندىق قاجكەنوۆ ءماجىلىس جانىنداعى قوعامدىق پالاتانىڭ وتىرىسىندا ايتتى.
- ۇلتتىق تەحنيكالىق نورمالاۋ ينستيتۋتىن ايقىنداۋ كوزدەلەدى. ونىڭ نەگىزگى مىندەتى ازاماتتاردىڭ قاۋىپسىزدىگىن جانە مۇلىكتىڭ ساقتالۋىن نىعايتۋعا باعىتتالعان تەحنيكالىق نورماتيۆتىك تالاپتاردى ازىرلەپ، ەنگىزۋ بولادى. ول ۇيىمعا بەلارۋس پەن رەسەي فەدەراتسياسىنىڭ تاجىريبەسى بويىنشا قۇرىلىس نورمالارى سالاسىنداعى ۇلتتىق ينستيتۋت مارتەبەسى بەرىلەدى دەپ بولجانىپ وتىر، - دەدى قۋاندىق قاجكەنوۆ.
ونىڭ سوزىنشە، سالا ۇيىمدارىن سەرتيفيكاتتاۋ فۋنكتسياسى باسەكەلى ورتاعا بەرىلۋى مۇمكىن.
- بۇدان باسقا، قۇرىلىس سالاسىندا ورەسكەل بۇزۋشىلىقتارعا جول بەرىلگەن جاعدايدا قىزمەتتى جۇزەگە اسىرۋعا تىيىم سالۋ مۇمكىندىگىمەن قۇرىلىس نارىعىنا قاتىسۋشىلاردىڭ ورتاق جاۋاپكەرشىلىگىن بەلگىلەۋ جوسپارلانىپ جاتىر، - دەدى ۆيتسە-مينيستر.
