قۇرىلتاي: كامەلەتكە تولماعان بالاسى بار ايەلدەرگە قاتىستى زاڭ ۇستانىمدارى قايتا قارالۋى مۇمكىن

- ماعان بەلگىلى ادۆوكات ايمان وماروۆا حات جولدادى. ول ءوز حاتىندا كۇردەلى تاقىرىپتى قوزعاپ، ايەلدەر كولونياسىنداعى احۋالعا توقتالدى. اسىرەسە، جۇكتى ايەلدەر مەن كىشكەنتاي بالالارى بار ايەلدەردىڭ جاعدايىنا باسا نازار اۋداردى. ەلىمىزدەگى قىلمىستىق-اتقارۋ جۇيەسىنىڭ ماقساتى سوتتالعان ازاماتتاردى جازالاۋ ەمەس، تۇزەتۋ بولۋى كەرەك دەگەن پىكىرمەن كەلىسەمىن. ەر ادام نەمەسە ايەل بولسىن، باس بوستاندىعىنان ايىرىلعانداردىڭ ءبارى زاڭ الدىندا بىردەي ەكەنى تۇسىنىكتى، - دەدى مەملەكەت باسشىسى.

پرەزيدەنتتىڭ سوزىنشە، زاڭ الدىندا بۇكىل ازامات تەڭ بولعانىمەن كامەلەتكە تولماعان بالاسى بار ايەلدەردىڭ جاعدايىمەن ساناسۋ قاجەت.

- دەگەنمەن ادامگەرشىلىك قۇندىلىقتاردى باسشىلىققا الىپ، «زاڭ مەن ءتارتىپ» قاعيداتىن ساقتاي وتىرىپ، كامەلەتكە تولماعان بالاسى بار ايەلدەرگە قاتىستى كەيبىر زاڭدىق ۇستانىمداردى قايتا قاراۋعا بولادى دەپ ويلايمىن. قۇقىق قورعاۋ ورگاندارى مەن دەپۋتاتتار وسى ماسەلەنى بايىپتى ءارى جان-جاقتى زەرتتەپ، شەشىم قابىلداۋ ءۇشىن ۇسىنىستار ەنگىزۋى كەرەك، - دەدى قاسىم-جومارت توقايەۆ.

ايتا كەتۋ كەرەك، قۇرىلتايدىڭ پانەلدىك سەسسيالارى كەشە باستالعان. ول سەكسيالاردىڭ تاقىرىپتارى ازاماتتىق قوعام، مادەنيەت، ونەر، رۋحانيات، ءبىلىم جانە عىلىم، الەۋمەتتىك-ەكونوميكالىق دامۋ ماسەلەلەرىن قامتىدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى