قۇرما اعزاڭىزعا پايدالى بولۋ ءۇشىن ونى قالاي جەۋ كەرەك؟
قۇرما جەمىسىندە ا، ۆ، س سەكىلدى دارۋمەندەر جانە وزگە دە پايدالى زاتتار كوپ. ول اسىرەسە كۇز مەزگىلىندە اسا پايدالى: يممۋنيتەتتى كوتەرىپ، اعزانى زياندى ينفەكتسيادان قورعاپ، جۇيكە جۇيەسىن رەتكە كەلتىرەدى.
الايدا قۇرمانى كوپ جەۋگە بولمايدى. ول كەي ادامداردىڭ دەنساۋلىعىنا زيان كەلتىرۋى مۇمكىن. ەندەشە، قۇرمانى راتسيونعا قوساردا نەنى ەسكەرۋ كەرەك؟
قۇرمانىڭ پايداسى
قۇرما - ادامنىڭ اسقا دەگەن تابەتىن جاقسارتىپ، جۇمىسقا دەگەن قابىلەتىن جاقسارتادى؛
فرۋكتوزا مەن گليۋكوزاعا باي بۇل جەمىس جۇيكەنى تىنىشتاندىرىپ، ۇيقىنى قالىپقا كەلتىرەدى؛
قۇرما قۇرامىنداعى ماگني بۇيرەككە تاس جينالۋدىڭ الدىن الادى. سونداي-اق اعزاداعى تۇزدى شىعارۋعا كومەكتەسەدى؛
قۇرما - يودقا دا باي. قالقانشا بەزىنىڭ قابىنۋىمەن اۋىرعاندا وسى جەمىستى جەۋ ۇسىنىلادى؛
قانىڭىز از بولسا، بۇل جەمىستىڭ وزىنەن نەمەسە جاپىراعىنان شاي جاساپ ىشۋىڭىزگە بولادى.
قۇرما قۇرامىنداعى مونوساحاريدتەر جۇرەك بۇلشىقەتتەرىنە پايدالى؛
قۇرما قۇرامىنداعى «ا» جانە «س» دارۋمەنى يممۋنيتەتتى كوتەرىپ، سۋىقتاۋدىڭ الدىن الادى.
قۇرما اعزاعا قالاي زيان كەلتىرۋى مۇمكىن؟
قۇرمانىڭ قۇرامىنداعى كەي كومپونەنتتەر جاعىمسىز اسەر بەرۋى مۇمكىن.
ىشەك تارىلۋىن تۋدىرادى
قۇرما قۇرامىنداعى ەرىگىش تانيندەر اسقازانداعى قىشقىلمەن اسەرلەسىپ، فيتوبەزوارلار ءتۇزۋى مۇمكىن. بۇل قورىتىلمايتىن كەسەكتەر. ولار استىڭ ءوتۋىن قيىنتاداى جانە جۇرەك اينۋ، قۇسۋ، ءىش اۋىرۋى جانە ءىش قاتۋدى تۋدىرۋى مۇمكىن. ەگەر سىزدە ىشەك تارىلۋىمەن پروبلەما بولسا، بۇل جەمىستى كوپ جەمەگەن ءجون.
راتسيونداعى كالوريا مولشەرىنىڭ كوپ بولۋىنا اكەلەدى
قۇرما %80 سۋدان تۇرادى، ءبىراق ونىڭ ەتىنىڭ ەنەرگەتيكالىق قۇندىلىعى 100 گ- عا شامامەن 70 ككال- دى قۇرايدى. سونداي-اق 100 گ قۇرمادا 12,5 گ گليۋكوزا مەن فرۋكتوزا بار. سوندىقتان 1 قۇرمانى جەپ، ءسىز شامامەن 100 ككال الاسىز: ول 2 شاي قاسىق قانتپەن بىردەي.
كالوريا مولشەرى اسىپ كەتپەس ءۇشىن اۋىزدى قۋىراتىن ءدامى بار قۇرما تاڭداڭىز. سونداي-اق ونى دەسەرتكە قوسىمشا رەتىندە ەمەس، ونىڭ ورنىنا جەڭىز. كۇنىنە 3-4 قۇرمادان ارتىق جەمەڭىز. سول كەزدە قۇرمانىڭ تەك پايداسىن الاسىز. قۇرمانى جاڭعاق جانە باسقا دا مايلى وسىمدىكتەرمەن قوسىپ جەگەن پايدالىراق.
قۇرمانى كىمدەرگە جەۋگە بولمايدى؟
قۇرمانى قانت ديابەتىمەن اۋىراتىن جانە ۇيقى بەزى قابىنعان (پانكرەاتيت اۋرۋى) ادامدارعا جەۋگە بولمايدى. قۇرمانىڭ قۇرامىندا قانت پەن كومىرسۋ وتە مول. ونى جەگەن ادامنىڭ كوپكە دەيىن قارنى اشپايدى. ءبىراق قۇرمانىڭ بۇل قاسيەتى كەيبىر دياگنوزدىڭ اسقىنۋىنا سەبەپ بولۋى مۇمكىن. ءتىپتى، ساۋ ادامنىڭ وزىنە كۇنىنە 300 گ قۇرمادان ارتىق تۇتىنباعانى ءجون.
