قۇمار ويىن بيزنەسى: ماڭعىستاۋ وبلىسىندا قىلمىستىق توپ مۇشەلەرى سوتتالدى

قاتىسۋشىلاردان اقشالاي ستاۆكالار بانك اۋدارىمدارى ارقىلى قابىلدانىپ، كەيىن ولار ارنايى پلاتفورمادا تىركەلىپ، ويىندارعا قاتىسۋ ءۇشىن لوگين، پارول جانە سىلتەمە بەرۋ ارقىلى جۇزەگە اسقان. ناتيجەسىندە قىلمىستىق توپتىڭ جالپى تابىسى 77 ميلليون تەڭگەدەن استى.

قارجىلىق تەرگەۋ بارىسىندا كۇدىكتىلەر زاڭسىز جولمەن تابىلعان قاراجاتقا 36 ميلليون تەڭگەگە ەكى اۆتوكولىك - «Toyota Land Cruiser» جانە «Mersedes-Benz 320» ساتىپ العانى انىقتالدى.

سوت ۇكىمىمەن ولار ق ر ق ك 307-بابى 2-بولىگى 2-تارماعى (زاڭسىز قۇمار ويىن بيزنەسىن ۇيىمداستىرۋ) جانە 262-بابى 1-بولىگى، 2-بولىگى (ۇيىمداسقان قىلمىستىق توپ قۇرۋ، باسقارۋ جانە ولارعا قاتىسۋ) بويىنشا كىنالى دەپ تانىلىپ، 5 تەن 8 جىلعا دەيىن باس بوستاندىعىنان ايىرىلدى.

قىلمىستىق جولمەن الىنعان اۆتوكولىكتەر مەملەكەت پايداسىنا تاركىلەندى.

ايتا كەتەيىك، قازاقستاندا ءوزىن قۇمار ويىنداردان شەكتەگەندەر 170 مىڭنان استى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى