قۇلسارىدا ايەلدى بۇرىنعى كۇيەۋى اۋرۋحانادا باۋىزداپ كەتتى
استانا. KAZINFORM - جىلىوي اۋدانىنىڭ قۇلسارى قالاسىندا كىسى ءولتىرۋ وقيعاسى ورىن الدى. ەر ادام بۇرىنعى ايەلىنە پىشاقپەن شابۋىل جاسادى، دەپ حابارلايدى El.kz اقپارات اگەنتتىگى.
الدىن الا مالىمەتتەرگە سۇيەنسەك، كۇدىكتى - شوقپارتوعاي اۋىلىنىڭ تۇرعىنى. قىلمىس جاساعاننان كەيىن ول قاشىپ كەتۋگە تىرىسقان، الايدا جىلىوي اۋداندىق پوليتسيا ءبولىمىنىڭ قىزمەتكەرلەرى ونى ءىزىن سۋىتپاي قولعا ءتۇسىردى.
قازىرگى تاڭدا تەرگەۋ جۇرگىزىلۋدە. قۇقىق قورعاۋ ورگاندارى قىلمىستىڭ سەبەپتەرى مەن بارلىق ءمان-جايىن انىقتاپ جاتىر.
تراگەديا تۇستەن كەيىن، ەمحانانىڭ زاڭگەرى بولىپ جۇمىس ىستەگەن ايەلدىڭ جۇمىس كابينەتىندە بولعان. كابينەتتە جالعىز وتىرعان ايەلگە كەنەتتەن بۇرىنعى كۇيەۋى كىرىپ كەلىپ، وعان پىشاقپەن شابۋىل جاساعان. ايەل وقيعا ورنىندا قازا تاپتى.
