قۇلاعان تۋننەل: 41 ادامدى قۇتقارۋ جولىنىڭ جارتىسى قازىلدى
ءۇندىستاندا وپىرىلىپ تۇسكەن تۋننەلدىڭ ىشىندەگى 41 جۇمىسشىعا جەتۋ ءۇشىن قۇتقارۋشىلار ءۇيىندىنىڭ جارتىسىنا جۋىعىن بۇرعىلادى.
Kazinform بۇل تۋرالى Reuters اگەنتتىگىنە سىلتەمە جاساپ حابارلايدى.
قۇتقارۋشىلار 32 مەتردى تازالادى، ءبىراق ولاردى قۇتقارۋ ءۇشىن 60 مەتر بۇرعىلانۋى كەرەك، دەپ حابارلادى قۇتقارۋ وپەراتسياسىن باسقاراتىن ديپاك پاتيل.
سونىمەن قاتار، سەيسەنبى كۇنى تۋننەلدىڭ ىشىندە تۇسىرىلگەن سۋرەت پايدا بولدى. سۋرەتتە اق جانە سارى كاسكا كيگەن، تار جەردە تۇرعان جانە مەديتسينالىق ەندوسكوپيالىق كامەرا كومەگىمەن قۇتقارۋشىلارمەن بىرلەسىپ ارەكەت ەتىپ جاتقان جۇمىسشىلار بەينەلەنگەن.
گيمالاي اۋماعىن بۇرعىلاۋ قيىن بولعاندىقتان ادامداردى قۇتقارۋ دا كەشەۋىلدەپ جاتىر.
12- قاراشادا ۋتتۋراكحاندادا قۇرىلىس كەزىندە وپىرىلىپ تۇسكەن تۋننەلدە 41 جۇمىسشى قالىپ قويعانىن ەسكە سالا كەتەيىك. كوپ ۇزاماي ادامدارمەن بايلانىس ورناتىلىپ، سودان بەرى ولارعا وتتەگى، تاماق پەن سۋ جەتكىزىپ جاتىر.
