قازاقتىڭ بولمىسىنا جات يدەولوگيالارعا توسقاۋىل قويۋ قاجەت - مەملەكەت باسشىسى
بۋراباي. KAZINFORM - قازىر الەۋمەتتىك جەلىدە ادامعا ءتىل تيگىزۋ، ار-نامىسىن اياققا تاپتاۋ كوبەيىپ كەتتى. بۇل تۋرالى بۋرابايدا ءوتىپ جاتقان ۇلتتىق قۇرىلتايدىڭ IV وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى.
- سونداي-اق بۇگىن بەكزات التىنبەكوۆ، ودان بۇرىن باقتىقوجا ىزمۇحامبەتوۆ پەن سۆەتقالي نۇرجان قوعامدىق ادەپ ماسەلەسىن قوزعادى. بۇل وتە ورىندى دەپ ويلايمىن. قازىر الەۋمەتتىك جەلىدە ادامعا ءتىل تيگىزۋ، ار-نامىسىن اياققا تاپتاۋ كوبەيىپ كەتتى. جالعان مالىمەت تاراتۋشىلار بار، - دەدى قاسىم-جومارت توقايەۆ.
وسى ورايدا پرەزيدەنت مۇنداي كەلەڭسىز ۇردىستەردى تىيۋ جولىن قاراستىرۋ كەرەك ەكەنىن اتاپ ءوتتى.
- ءماجىلىس دەپۋتاتى ەرمۇرات باپي ەلىمىزدەگى ءدىني احۋالعا الاڭداۋشىلىق ءبىلدىرىپ ءجۇر. قۇرىلتاي مۇشەلەرى دانيا قىدىربايەۆا جانە ولجاس سۇلەيمەن جات ءدىني اعىمداردىڭ جاستار اراسىندا، اسىرەسە سپورت سالاسىندا ىقپالى كۇشەيىپ بارا جاتقانىن ايتتى. تەرىس اعىمدارعا، قازاقتىڭ بولمىسىنا جات يدەولوگيالارعا توسقاۋىل قويۋ قاجەت ەكەنىنە ەش كۇمان جوق. ەلىمىزدە ءدىن بوستاندىعىنا كەپىلدىك بەرىلگەن. ءبىراق جۇگەنسىزدىككە، تارتىپسىزدىككە جول بەرۋگە بولمايدى. ءدىننىڭ اسا ماڭىزدى ميسسياسى - ۇلتتى ۇيىستىرۋ. ءدىني ۇيىمداردىڭ قىزمەتىن رەتتەيتىن قۇجاتتار وسى تالاپقا ساي بولۋعا ءتيىس. بۇل ماسەلەنى جان-جاقتى قاراۋ كەرەك. سونىڭ ىشىندە زاڭنامانى جاڭا جاعدايعا بەيىمدەپ وتىرۋ وتە ماڭىزدى، - دەدى مەملەكەت باسشىسى.
بۇدان بۇرىن حابارلانعانداي، پرەزيدەنت قوعامدا قىزۋ تالقىلانىپ جاتقان سالىق رەفورماسىنا قاتىستى پىكىر ايتتى.
اۆتور
رۋسلان عابباسوۆ
