قازاقستاننىڭ موڭعولياداعى ەلشىسى قىزمەتىنەن كەتتى

- مەملەكەت باسشىسىنىڭ جارلىعىمەن عابيت بەيبىت ۇلى قويشىبايەۆ قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى لاۋازىمىنان بوساتىلدى، - دەلىنگەن حابارلامادا.

عابيت بەيبىت ۇلى قويشىبايەۆ 1972 -جىلى 12-ناۋرىزدا الماتى قالاسىندا دۇنيەگە كەلگەن. اعىلشىن، قىتاي، جاپون تىلدەرىن مەڭگەرگەن. ءال- فارابي اتىنداعى قازاق ۇلتتىق ۋنيۆەرسيتەتىندە، ق ر س ءى م ديپلوماتيالىق اكادەمياسىندا وقىعان.

مانساپ

- 1994 -جىلدان باستاپ ق ر سىرتقى ىستەر مينيسترلىگىنىڭ جۇيەسىندە جۇمىس ىستەيدى.

- 1994-2011 -جىلدار كەزەڭىندە ورتالىق اپپارات پەن ق ر شەتەلدەگى مەكەمەلەرىندە ءارتۇرلى قىزمەتتە بولعان.

- 2011-2014 -جىلدارى شاڭحاي قالاسىنداعى ق ر باس كونسۋلى (ق ح ر).

- 2014-2016 -جىلدارى ق ر س ءى م ورتالىق اپپاراتىندا باسشىلىق لاۋازىمدا بولعان.

- 2016-2019 -جىلدارى ق ر پرەزيدەنت اكىمشىلىگى سىرتقى ساياسات جانە حالىقارالىق بايلانىستار ءبولىمى مەڭگەرۋشىسىنىڭ ورىنباسارى.

- 2019-2022 -جىلدارى ق ر قىتاي حالىق رەسپۋبليكاسىنداعى توتەنشە جانە وكىلەتتى ەلشىسى.

- ق ر پرەزيدەنتىنىڭ 2022 -جىلعى 8- ساۋىردەگى جارلىعىمەن ق ر موڭعولياداعى توتەنشە جانە وكىلەتتى ەلشىسى بولىپ تاعايىندالدى.

ديپلوماتيالىق رانگ: II سىنىپتى توتەنشە جانە وكىلەتتى ۋاكىل

ەسكە سالساق، جاقىندا Kazinform اگەنتتىگى جاڭا «مالىمەت» جوباسىن ىسكە قوستى. «مالىمەت» − قازاقستاننىڭ مەديانارىعىندا العاش رەت ۇسىنىلعان جاڭا ايدار، وندا ساياسات، ەكونوميكا، بيزنەس، عىلىم، مادەنيەت سەكىلدى ءتۇرلى سالادا ەل دامۋىنا ەلەۋلى ۇلەس قوسقان تانىمال قازاقستاندىقتاردىڭ ءومىربايانى مەن قىزىقتى مالىمەتتەرى جاريالانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى