قازاقستاننىڭ دالەلدەنبەگەن مۇناي قورىنىڭ كولەمى قانشا

- دالەلدەنگەن مۇناي قورىن ايتار بولساق، 4,4 ميلليارد توننا. بۇل قاتىپ قالعان سيفر ەمەس. سەبەبى، وعان گەولوگيالىق بارلاۋ جۇمىستارىنىڭ ارقاسىندا انىقتالاتىن مۇناي قورلارى قوسىلىپ وتىرادى. مۇنايدىڭ قازىرگى كولەمىن جىلىنا 100 ميلليون تونا وندىرەمىز دەپ ءبولىپ، 45 جىلعا عانا جەتەدى دەۋ قاتە ۇعىم. تەك ۇلتتىق كومپانيا عانا ەمەس، ەلىمىزدەگى جەر قويناۋىن پايدالاناتىن 200 دەن استام مۇناي كومپانياسى بارلاۋ جۇمىستارىن جۇرگىزىپ جاتىر، - دەدى اسحات حاسەنوۆ.

ونىڭ اتاپ وتۋىنشە، ەلىمىزدىڭ گەولوگتارى شوگىندى باسسەيندەر بويىنشا اۋقىمدى جۇمىس ىستەدى. ناتيجەسىندە ولار 15 شوگىندى باسسەيندەگى مۇناي قورىنىڭ كولەمىن 76 ميلليارد تونناعا جەتەدى دەگەن تۇجىرىمعا كەلىپ وتىر.

- ءبىراق، ونى دالەلدەۋ كەرەك. دالەلدەۋ ءۇشىن گەولوگيالىق زەرتتەۋ، بارلاۋ جۇمىستارىن جۇرگىزۋ قاجەت. ءيا، گەولوگيالىق بارلاۋ جۇمىستارى باياۋ بولعانىمەن جۇرگىزىلىپ جاتىر. ماسەلەن، ءبىز كوپتەگەن ۋچاسكەدە بۇرعىلاۋ جۇمىستارىن باستاپ كەتتىك. كەڭەستىك زامانداعى جوسپارلى ەكونوميكا كەزىندە كەن ىزدەگەندە ەڭ باستىسى بۇرعىلاۋ جۇمىستارى بولاتىن. ال ءقازىر كوزقاراس باسقاشا. كاپيتال تۇرعىسىندا شىعىن وتە ۇلكەن. ستاتيستيكاعا قاراساق، گەولوگيالىق بارلاۋى جۇمىستارىنىڭ 25 پايىزى عانا وڭ ناتيجە بەرەدى. ياعني، 10 ۇڭعىما قازسا، ونىڭ ەكى-ۇشەۋى عانا ناتيجەلى. ال وعان قىرۋار قارجى جۇمسالادى، - دەدى كومپانيا باسشىسى.

قاشاعان كەن ورنى اشىلعالى 115 ميلليون توننا مۇناي وندىرىلگەنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى