قازاقستاننىڭ ءبىر توپ ونەرپازى حالىق ءارتىسى اتاندى
بيىلدان باستاپ قايتا بەرىلە باستاعان «قازاقستاننىڭ حالىق ءارتىسى» قۇرمەتتى اتاعىمەن ءبىر توپ ونەرپاز ماراپاتتالدى، دەپ حابارلايدى Kazinform.
ۇلتتىق مەرەكە - رەسپۋبليكا كۇنى قارساڭىندا پرەزيدەنت قاسىم-جومارت توقايەۆتىڭ جارلىعىمەن ەلىمىزدىڭ الەۋمەتتىك- ەكونوميكالىق، مادەني-رۋحاني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى مەن بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى. سولاردىڭ قاتارىندا «قازاقستاننىڭ حالىق ءارتىسى» قۇرمەتتى اتاعىن يەلەنگەن تۇلعالار دا بار.
سونىمەن «قازاقستاننىڭ حالىق ءارتىسى» اتاعى بيىل ەلىمىزدىڭ كورنەكتى مادەنيەت قايراتكەرلەرى، تەاتر جانە كينو اكتەرلەرى دىنمۇحامەد احيموۆقا، ميحايل توكاريەۆ پەن دۋىلعا اقمولداعا، وپەرا انشىلەرى شاحماردان ءابىلوۆ پەن تالعات كۇزەنبايەۆقا، اتاقتى انشىلەر رامازان ستامعازيەۆكە، ديماش قۇدايبەرگەنگە جانە كۇيشى ايگۇل ۇلكەنبايەۆاعا بەرىلدى.
