قازاقستاننىڭ ءار وڭىرىندەگى پەدياتر دارىگەرگە قارالۋ باعاسى قانشا

بيىل قازاقستان 17 جىلدا العاش رەت پەدياتر مامانداردى وقىتىپ شىعاردى. 2007 -جىلى قازاقستاننىڭ مەديتسينالىق جوعارى وقۋ ورىندارى مامانداردى دايارلاۋدىڭ جاڭا مودەلىنە كوشكەنى بەلگىلى. وسىدان كەيىن اسفەندياروۆ اتىنداعى قازاق مەديتسينالىق ۋنيۆەرسيتەتىنىڭ پەدياتريا فاكۋلتەتى جالپى مەديتسينالىق باعىتقا ەنگىزىلىپ، پەدياترلاردى دايىنداۋ توقتاتىلدى. اراعا 11 جىل سالىپ، ياعني 2018 -جىلى ماماندىق قايتارىلىپ، بيىل 130 دان استام ادام بالالار دارىگەرى اتاندى.

جەكە پەدياتردىڭ كونسۋلتاتسياسىنىڭ ەڭ ارزان باعاسى باتىس وڭىرلەردە بايقالادى. اتىراۋ، ورال، اقتوبە قالالارىندا پەدياتردىڭ العاشقى قابىلداۋى - 40006000 تەڭگە ارالىعىندا.

پەدياتر قابىلداۋىنىڭ ورتاشا باعاسى پەتروپاۆل، تالدىقورعان جانە تاراز قالالارىندا تىركەلدى. بۇل قالالاردا بالالاردى دارىگەرگە قاراتۋ ءۇشىن 50006000 تەڭگە تولەۋ قاجەت.

قوستاناي، كوكشەتاۋ، وسكەمەن جانە سەمەي قالالارىندا پەدياتر قىزمەتى ءسال قىمباتىراق. مۇندا ورتاشا باعا - 7000 تەڭگە. ال قاراعاندى، قىزىلوردا، كونيەۆ شاھارلارىندا العاشقى جازىلۋ 8000 تەڭگە تۇرادى.

اقتاۋ، جەزقازعان، شىمكەنت، تۇركىستان قالالارىندا ورتاشا باعا 10000 تەڭگەنى قۇرايدى.

ادەتتەگىدەي ەڭ قىمبات باعا استانا مەن الماتىدا بايقالادى. ەلدىڭ ەكى استاناسىندا پەدياتردىڭ كەڭەسى 10000 نان باستالىپ، 15000 تەڭگەگە دەيىن جەتەدى.

ايتا كەتۋ كەرەك، باعا دارىگەردىڭ تاجىريبەسىنە قاراي بەكىتىلەدى. تيىسىنشە، جاس دارىگەردىڭ قىزمەتى تاجىريبەلى ارىپتەسىنە قاراعاندا الدەقايدا ارزان. باعا ايىرماشىلىعى 5000 تەڭگەدەن 10000 تەڭگەگە دەيىنگى ارالىقتى قامتيدى.

ەسكە سالساق، وسىعان دەيىن قازاقستاندا قاراقۇمىق پەن كۇرىش باعاسى قانداي ەكەندىگىن جازعان بولاتىنبىز.

اۆتور
تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى