پرەزيدەنت قازاقستان حالقى سانىنىڭ 20 ميلليونعا جەتۋىمەن قۇتتىقتادى
قازاقستاننىڭ 20 ميلليونىنشى تۇرعىنى ومىرگە كەلدى. بۇل تۋرالى پرەزيدەنت قاسىم-جومارت توقايەۆ X-پاراقشاسىندا حابارلادى.
«حالقىمىزدىڭ سانى 20 ميلليونعا جەتتى! بارشاڭىزدى اقجولتاي جاڭالىقپەن قۇتتىقتايمىن! باقىتتى وتباسى - باقۋاتتى ەلدىڭ نەگىزى. مەملەكەت وتباسى قۇندىلىقتارىن نىعايتۋعا، انا مەن بالانى قورعاۋعا باسا ءمان بەرەدى»، - دەپ جازدى پرەزيدەنت.
ايتا كەتەيىك، قازاقستاننىڭ 19 ميلليونىنشى تۇرعىنى 2021 -جىلى 4-تامىزدا تىركەلگەن بولاتىن. ەلىمىزدىڭ 19 ميلليونىنشى تۇرعىنى - ءجانيا ازامات قىزى 2021 -جىلعى 20-ماۋسىمدا الماتى قالاسىندا دۇنيەگە كەلگەن. تۋا سالا جۇلدىزى جانعان ءجانيا چاپايەۆ اۋىلىنىڭ تۇرعىندارى ازامات پەن نۇرگۇلدىڭ وتباسىنداعى ءتورتىنشى بالا. كوپبالالى وتباسىن الماتى وبلىسىنىڭ اكىمى قۇتتىقتاپ، ميلليون تەڭگەنىڭ سەرتيفيكاتىن تابىستادى.
ەسكە سالايىق، بۇعان دەيىن قازاقستان حالقىنىڭ سانى 20 ميلليونعا جۋىقتاعانى بەلگىلى بولدى.
1-قازانداعى دەرەكتەر بويىنشا، حالىق سانى 19967964 كە جەتكەن. ونىڭ ىشىندە:
قالا تۇرعىندارى - 12387957 ادام؛
اۋىل تۇرعىندارى - 7580007 ادام.
ەرلەر - 9750647 ادام. ايەلدەر - 10217317 ادام.
