قازاقستاننىڭ 17 ميلليونىنشى تۇرعىنى التىنبەك 10 جاسقا تولدى
قازاقستاننىڭ 17 ميلليونىنشى تۇرعىنى التىنبەك ەسقارا 10 جاسقا تولدى، دەپ حابارلايدى Kazinform.
التىنبەك بۇگىندە شىمكەنت قالاسىنداعى ورازباي اتىنداعى 115№ مەكتەپتىڭ بەسىنشى سىنىبىندا وقىپ ءجۇر. مەكتەبىندەگى ۇزدىك وقۋشىلاردىڭ ءبىرى ول ءپانارالىق سايىستار مەن سپورتتىق جارىستارعا ۇنەمى قاتىسادى. ونىڭ بولاشاق ارمانى - وسكەندە دارىگەر بولۋ.
«قۋانىشتى حاباردى ەستىپ قۋانىپ وتىرمىن. ارتىمنان ەرگەن 20 ميلليونىنشى قازاقستاندىقتى شىن جۇرەكتەن قۇتتىقتايمىن. ەلىن سۇيگەن ازامات بولىپ وسە بەرسىن» - دەگەن تىلەگىن جەتكىزدى ول.
التىنبەكتىڭ اكەسى مۇرات مال شارۋاشىلىعىمەن اينالىسادى. ال، اناسى گۇلميرا اعىلشىن تىلىنەن ساباق بەرەدى.
«بۇگىن قازاقستاننىڭ 20 ميلليونىنشى تۇرعىنى دۇنيەگە كەلىپتى. بارشامىز قۋانىپ جاتىرمىز. مەنىڭ التىنبەگىم ومىرگە كەلگەن ساتىندە دە ءدال وسىلاي ەل بولىپ قۋانعان ەدىك. ءبۇلدىرشىننىڭ باۋى بەرىك بولسىن. اتا-اناسىنىڭ قۋانىشىن جاقسى تۇسىنەمىن. التىنبەگىم 10 جاسقا تولدى. ۇلگىلى اقىلدى بولىپ ءوسىپ كەلەدى»، - دەدى گۇلميرا ساپاربايەۆا.
قازىر مۇرات پەن گۇلميرانىڭ وتباسىندا 5 بالا بار. التىنبەكتەن سوڭ، ايبەك ەسىمدى ءسابي دۇنيەگە كەلگەن. ونىڭ جاسى 2 دەن استى. ودان بولەك، نۇربەك، جانىبەك، اسىلبەك ەسىمدى ەل قورعايتىن جىگىتتەر ءوسىپ كەلەدى.
«ءبارى دە باۋىرمال، ءبىر-بىرىنە قامقور. ءبىرىنىڭ سوڭىنان ءبىرى ءوسىپ كەلەدى. ەلىمىزدىڭ دەموگرافياسىنىڭ وسۋىنە ۇلەس قوسىپ جاتقانىمىزدى ماقتان تۇتامىن»، - دەيدى التىنبەكتىڭ اناسى.
