قازاقستاننان تاجىكستانعا 10 ايدا ءبىر ميلليون توننادان استام استىق ەكسپورتتالدى
استانا. KAZINFORM - «ازىق- تۇلىك كەلىسىمشارت كورپوراتسياسى» ۇ ك» ا ق قازاقستاننىڭ استىق ەگەتىن وبلىستارىنداعى ەليەۆاتورلىق قۋاتتاردى سەرىكتەس ەلدەرگە ءونىم جونەلتۋ ارقىلى بوساتۋ بويىنشا شارالار قابىلداپ جاتىر.
اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاۋىنشا، جاڭا ءونىمنىڭ العاشقى 20 مىڭ توننا ازىق- تۇلىك بيدايى تاجىكستانعا جونەلتىلدى. ەكسپورتتىق كەلىسىمشارت اياسىندا قازاقستاننىڭ استىق وپەراتورى تاجىك ساتىپ الۋشىلارىنا بارلىعى 100 مىڭ توننا ءونىم جەتكىزۋدى جوسپارلادى.
ءوڭىر بويىنشا ارىپتەس ەلگە استىق جەتكىزۋ ق ر پرەزيدەنتىنىڭ 2024 -جىلعى تامىزداعى دۋشانبەگە رەسمي ساپارى بارىسىندا قازاقستان مەن تاجىكستان مەملەكەت باسشىلارى قول جەتكىزگەن ۋاعدالاستىقتار شەڭبەرىندە جۇزەگە اسىرىلادى.
تاجىكستان - قازاقستاندىق استىق پەن ۇننىڭ ءداستۇرلى تۇتىنۋشىسى. بۇل ەلگە ازىق-تۇلىك جەتكىزۋ جىل سايىن ءوسىپ كەلەدى. 2024 -جىلدىڭ 10-ايىندا تاجىكستانعا 1 ميلليون توننادان استام استىق ەكسپورتتالدى، بۇل 2023 -جىلدىڭ وسى كەزەڭىمەن سالىستىرعاندا %11 عا ارتىق (917,1 مىڭ توننا).
جاڭا استىق ەكسپورتى دا جوعارى كورسەتكىشتى كورسەتەدى. قىركۇيەكتەن جەلتوقسانعا دەيىن تاجىك نارىعىنا قازاقستاندىق استىقتى جەتكىزۋ كولەمى وتكەن جىلدىڭ وسى كەزەڭىمەن سالىستىرعاندا %51 عا ارتىپ، 489 مىڭ توننانى قۇرادى.
«ازىق-تۇلىك كەلىسىمشارت كورپوراتسياسى» ۇ ك» ا ق نەگىزگى قىزمەتى ستراتەگيالىق مىندەتتەردى شەشۋگە - ەلدەگى ازىق-تۇلىك قاۋىپسىزدىگىن قامتاماسىز ەتۋگە، استىق نارىعىندا تۇراقتى باعانى ۇستاپ تۇرۋعا، سونداي-اق وسىمدىك شارۋاشىلىعى ونىمدەرىنىڭ ەكسپورتىن دامىتۋعا باعىتتالعان.
