قازاقستاندىقتاردىڭ زەينەتاقى جيناعى نەگە مينۋسقا كەتتى؟

قور مالىمەتىنشە، 2025-جىلعى قاڭتاردا ەسەپتەلگەن ينۆەستيتسيالىق كىرىس مينۋس 284,86 ميلليارد تەڭگە بولعان.

ب ج ز ق مالىمەتىنشە، بۇل كورسەتكىش شەتەل ۆاليۋتالارى باعامى قۇبىلۋى مەن ينۆەستيتسيالاعان قارجى قۇرالدارىنىڭ نارىقتاعى قۇنى وزگەرۋىنەن پايدا بولعان.

«نەگىزگى سەبەپتەرى - تەڭگەنىڭ ا ق ش دوللارىنا شاققاندا 525,11 دەن 518,14 تەڭگەگە دەيىن نىعايۋىنان كەيىن ۆاليۋتالىق قايتا باعالاۋ، سونداي-اق، قارجى مينيسترلىگىنىڭ مەملەكەتتىك باعالى قاعازدارىنىڭ (م ب ق) نارىقتاعى قۇنىنىڭ، ولاردىڭ كىرىسىنىڭ ورتاشا ەسەپپەن 40 بازيستىك پۋنكتكە ءوسۋى اياسىندا تومەندەۋى. سونىمەن قاتار، شەتەلدىك نارىقتاردا ساتىپ الىنعان اكتيۆتەردىڭ دە نارىقتاعى قۇنى تومەندەدى»، - دەپ جازىلعان حابارلامادا.

ب ج ز ق زەينەتاقى اكتيۆتەرىنىڭ سوڭعى 12 ايداعى سالىمشىلار (الۋشىلار) شوتتارىنا بولىنگەن كىرىسى 15,66 پايىز، ال وسى كەزەڭدەگى ينفلياتسيا 8,90 پايىز بولعان.

«2025-جىلعى قاڭتاردا ب ج ز ق زەينەتاقى اكتيۆتەرىنىڭ سالىمشىلار (الۋشىلار) شوتتارىنا بولىنگەن كىرىسى (- ) 1,25 پايىز بولدى»، - دەپ جازىلعان حابارلامادا.

ۇلتتىق بانكتىڭ سەنىمگەرلىك باسقارۋىنداعى ب ج ز ق زەينەتاقى اكتيۆتەرى 22,28 تريلليون تەڭگە بولعان. پورتفەلدىڭ نەگىزگى ۇلەسىن قارجى مينيسترلىگىنىڭ مەملەكەتتىك باعالى قاعازدارى الادى. ولاردىڭ قاڭتارداعى ۇلەسى 41,40 پايىز بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى