قازاقستاندىقتاردى ينتەرنەت ارقىلى الداپ كەلگەن ترانسۇلتتىق قىلمىستىق توپ ارمەنيادا ۇستالدى

قازاقستان ءى ءى م كيبەرقىلمىسقا قارسى ءىس-قيمىل دەپارتامەنتىنىڭ قىزمەتكەرلەرى ارمەنيانىڭ تەرگەۋ كوميتەتىنىڭ اسا ماڭىزدى ىستەردى تەرگەۋ جونىندەگى باس باسقارماسىمەن بىرلەسىپ، جەدەل ءىس-شارالاردى وتكىزۋ كەزىندە ەريەۆاندا الاياقتاردىڭ ەكى call-ورتالىعىنىڭ ارەكەتىنە توسقاۋىل قويدى.

- قازاقستان مەن ەۋروپا ەلدەرىنىڭ ازاماتتارىنا قاتىستى ينتەرنەت-الاياقتىق جاساعان ترانسۇلتتىق قىلمىستىق توپتىڭ ۇيىمداستىرۋشىلارى مەن مۇشەلەرى انىقتالدى. ولار قازاقستاندىقتارعا قوڭىراۋ شالىپ، ءىرى ينۆەستيتسيالىق كومپانيالارعا اقشا سالۋدى ۇسىنعان. ءتىنتۋ شارالارى بارىسىندا 70 تەن استام كومپيۋتەرلىك تەحنيكا، شامامەن ءبىر كيلوگرامم التىن، 5 اۆتوكولىك، 30 مىڭ ا ق ش دوللارى، رەسەي رۋبلدەرى، گرۋزين ءلاريى جانە كريپتوۆاليۋتا ءاميانى تاركىلەندى، - دەدى ءى ءى م كيبەرقىلمىسقا قارسى ءىس- قيمىل دەپارتامەنتىنىڭ باستىعى جاندوس ءسۇيىنباي.

ارنايى وپەراتسيا كەزىندە ارمەنيا، گرۋزيا، يران، سيريا جانە ليۆان ازاماتتارىنان قۇرالعان قىلمىستىق توپتىڭ 41 مۇشەسى ۇستالدى. قازىرگى ۋاقىتتا ارميان تاراپى قازاقستان ءى ءى م كيبەرقىلمىسقا قارسى ءىس- قيمىل دەپارتامەنتىمەن بىرلەسىپ، تەرگەۋ ارەكەتتەرىن جانە جەدەل- ىزدەستىرۋ ءىس-شارالارىن جۇرگىزۋدە. ولار جالپى ءمان-جايدى، قوسىمشا ەپيزودتاردى، باسقا دا كۇدىكتىلەردى، سونداي-اق قازاقستان ازاماتتارىنا كەلتىرىلگەن زالال سوماسىن انىقتاۋعا باعىتتالعان.

بۇعان دەيىن كيبەرپوليتسيا ينتەرنەت-الاياقتىققا ارنالعان جابدىقتارى بار ەكى شەتەلدىك ازاماتتى ۇستاعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى