قازاقستاندىقتاردىڭ ورتاشا تابىسى قانشا ەكەنى بەلگىلى بولدى

شاعىن كاسىپورىنداردى ەسەپكە الماعانداعى اتاۋلى جالاقىنىڭ ورتاشا ءمانى 2024-جىلعى IV توقساندا 434982 تەڭگە بولدى. 2023-جىلدىڭ ءتيىستى توقسانىنا قاراعاندا ءوسىم 10,5 پايىزدى، ناقتى ماندە - 1,8 پايىزعا ءوستى. IV توقساندا ورتاشا جالاقى مولشەرىنىڭ ءوسۋى جىل قورىتىندىسى بويىنشا بەرىلەتىن قوسىمشا تولەمدەر مەن مەرەكەلىك سىياقىلار ەسەبىنەن ەڭبەكاقى قورىنىڭ ۇلعايۋىمەن بايلانىستى، - دەلىنگەن ۇلتتىق ستاتيستيكا بيۋروسىنىڭ حابارلاماسىندا.

2023-جىلعى ءتيىستى توقسانمەن سالىستىرعاندا ورتاشا ايلىق جالاقىنىڭ ەڭ جوعارعى ءوسىمى اقپارات جانە بايلانىس - 32,8 پايىزعا، اۋىل، ورمان جانە بالىق شارۋاشىلىعى - 22,7 پايىزعا، جىلجىمايتىن مۇلىكپەن وپەراتسيالار - 20,3 پايىزعا سالالارىندا بايقالدى. دەنساۋلىق ساقتاۋ جانە حالىققا الەۋمەتتىك قىزمەت كورسەتۋدە - 7,6 پايىزعا، ءبىلىم بەرۋدە ورتاشا ايلىق جالاقى - 5 پايىزعا ءوستى.

- ءوڭىر بويىنشا 2023-جىلدىڭ ءتيىستى توقسانىمەن سالىستىرعاندا 2024-جىلدىڭ IV توقسانىندا ورتاشا ايلىق اتاۋلى جالاقىنىڭ ەڭ كوپ ءوسۋى الماتى جانە شىمكەنت قالاسىندا - 13,6 پايىزعا، قاراعاندى وبلىسىندا - 13,2 پايىزعا، سولتۇستىك قازاقستان وبلىسىندا - 12,9 پايىزعا جانە اقتوبە وبلىسىندا - 12,6 پايىزدى قۇرادى، - دەلىنگەن حابارلامادا.

وڭىرلەر اراسىنداعى ورتاشا ايلىق نومينالدى جالاقىنىڭ ەڭ جوعارعى جانە ەڭ تومەنگى ماندەرى اراسىنداعى اراقاتىناس 2024-جىلعى IV توقساندا 2,1 ەسە بولدى.

بۇعان دەيىن ورتالىق ازياداعى ەڭ جوعارى جالاقى الاتىن ەلدەر تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى