قازاقستاندىقتاردىڭ ماتەريالدىق جاعدايى ناشارلاعان — ۇلتتىق بانك ساۋالناماسى

— 2024-جىلدىڭ قاراشا ايىندا تۇتىنۋ كوڭىل-كۇيىنىڭ يندەكسى 111 گە دەيىن تومەندەدى (2024-جىلعى قازان — 114,7). الداعى 5 جىلعا ەلدىڭ دامۋ پەرسپەكتيۆالارىن باعالاۋ 5,2 پۋنكتكە تومەندەپ، 101,8 گە ءتۇستى. سونىمەن قاتار، جەكە ماتەريالدىق جاعدايدىڭ الداعى ءبىر جىلداعى وزگەرۋىن باعالاۋ 3,7 پۋنكتكە تومەندەپ، 121,5 كە ءتۇستى. قازىرگى جاعدايدى باعالاۋدا ساۋالناماعا قاتىسقانداردىڭ سوڭعى جىلى جەكە ماتەريالدىق جاعداي كورسەتكىشى 5,3 پۋنكتكە تومەندەپ، 99,3 كە جەتكەن. ال قوماقتى قارجىعا ساۋدا جاساۋعا دايىن بولۋ 8,9 پۋنكتكە تومەندەپ، 103,5 بولدى، — دەپ جازىلعان ساۋالناما قورىتىندىسىندا.

ساۋالناماعا قاتىسقانداردىڭ %68,2 قاراشادا ازىق-تۇلىك تاۋارى قىمباتتاي تۇسكەنىن سەزىنگەن. قازان ايىندا وسىلاي جاۋاپ بەرگەندەردىڭ ۇلەسى %64,6 بولعان ەدى. ال ازىق-تۇلىكتىك ەمەس تاۋارلاردىڭ باعاسى وسكەنىن ساۋالناماعا تارتىلعانداردىڭ %13,4 سەزىنگەن. قازان ايىندا بۇل كورسەتكىش %17,3 بولعان. جاۋاپ بەرۋشىلەردىڭ كوبى قاراشا ايىندا اسىرەسە جەمىس-جيدەك پەن كوكونىس، ەت جانە ءسۇت ونىمدەرى، ءدارى-دارمەك، كيىم مەن اياق كيىم، تۇرمىستىق حيميا قىمباتتاعانىن ايتقان.

— الداعى 12 ايداعى حالىقتىڭ ينفلياتسيالىق كۇتۋلەرى ءالى دە قۇبىلمالى. قاراشادا كورسەتكىش قايتادان %14,1 عا دەيىن ءوستى. سوڭعى ايلاردا ينفلياتسيالىق كۇتۋلەر تەڭگەنىڭ نومينالدى ايىرباس باعامىنىڭ وزگەرۋى جانە جىلدىق ينفلياتسيانىڭ باياۋلاۋ قارقىنىنىڭ تۇراقتىلىعى تومەندەۋى اياسىندا قالىپتاسىپ وتىر. سونىمەن قاتار، ەلدىڭ دامۋ پەرسپەكتيۆالارى مەن جەكە ماتەريالدىق جاعدايعا قاتىستى باعالاۋلاردىڭ تومەندەۋى ەسەبىنەن تۇتىنۋ كوڭىل-كۇيى ناشارلاپ وتىر، - دەپ جازادى ۇلتتىق بانك ساراپشىلارى.

بۇعان دەيىن حابارلاعانىمىزداي، ۇلتتىق بانك قاراشاداعى اقشا-كرەديت ساياساتى تۋرالى باياندامانى جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى