قازاقستاندىقتاردىڭ 45 پايىزى ەكى تىلدە سويلەيدى
2021-جىلعى حالىق ساناعى بويىنشا 5 جاستان اسقان حالىقتىڭ 44,9 پايىز - ەكى ءتىل، 28,6 پايىزى - ءۇش ءتىل مەڭگەرگەن.
ساناق قورىتىندىسى بويىنشا تاعى 1,7 پايىزى 4 تىلدە سويلەيدى، حالىقتىڭ 0,2 پايىز 5 ءتىل بىلەدى. 6 ءتىل بىلەتىن پوليگلوتتاردىڭ ۇلەسى 0,1 پايىز نەمەسە 8845 ادامدى قۇرادى، دەپ حابارلايدى Kazinform ۇلتتىق ستاتبيۋروعا سىلتەمە جاساپ.
قىزىقتى دەرەك، ەرلەرگە قاراعاندا 4-5 ءتىلدى مەڭگەرگەن ايەلدەردىڭ ۇلەسى باسىم، سايكەسىنشە 47,9 پايىز جانە 52,1 پايىز.
ءبىراق 6 جانە ودان دا كوپ ءتىلدى بىلەتىن ەرلەر ۇلەسى، كەرىسىنشە، ايەلدەردىڭ ۇلەسىنەن اسىپ تۇسەدى — 55,6 پايىز.
وڭىرلىك بولىنىستە 5 جانە ودان دا كوپ ءتىلدى بىلەتىن پوليگلوتتار الماتى قالاسىندا تۇرادى.
بۇل رەتتە 35,1 پايىز نەمەسە 6042,1 مىڭ ادام اعىلشىن ءتىلىن بىلەدى، ونىڭ 27,6 پايىزى ەركىن سويلەيدى.
جاس سەگمەنتىندە اعىلشىن ءتىلىن بىلەتىندەردىڭ ۇلەسى 10-14 جاس جانە 25-29 جاس ارالىعىندا كوپ.
