قازاقستاندىقتاردىڭ %11,6 پايىزى عانا تۇماۋ ۆاكسيناسىن العان
استانا. KAZINFORM - ەلىمىزدە وتكەن جىلعا قاراعاندا جەدەل رەسپيراتورلىق ۆيرۋستىق ينفەكسيا (ج ر ۆ ي) مەن تۇماۋدى جۇقتىرۋ 20 پايىزعا ازايعان. تولىعىراق دەنساۋلىق ساقتاۋ مينيسترلىگى سانيتارلىق-ەپەدەميولوگيالىق باقىلاۋ كوميتەتىنىڭ ءتوراعاسى سارحات بەيسەنوۆا ايتىپ بەردى.
- جەدەل رەسپيراتورلىق ۆيرۋستىق ينفەكسيا (ج ر ۆ ي) مەن تۇماۋ جۇقتىرۋ ماۋسىمى جالعاسىپ جاتىر. ەلىمىزدە جىل سايىن ەپيدەميولوگيالىق ماۋسىمدا (قازاننان ساۋىرگە دەيىن) جەدەل رەسپيراتورلىق ۆيرۋستىق ينفەكسيا جۇقتىرۋدىڭ 4-5 ميلليون جاعدايى جانە تۇماۋعا شالدىعۋدىڭ 2 مىڭعا دەيىن جاعدايى تىركەلەدى، - دەدى سارحات بەيسەنوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
كوميتەت باسشىسىنىڭ مالىمەتىنشە، ەلىمىزدە ج ر ۆ ي مەن تۇماۋ جۇقتىرۋ جاعداي بىلتىرعا قاراعاندا %20 عا تومەندەگەن.
- ەپيدەميالىق ماۋسىم باستالعالى زەرتحانالىق تۇرعىدان 1686 تۇماۋمەن اۋرۋ جاعدايى تىركەلدى (ا تۇماۋى (H1N1) - 92,5% (1559 جاعداي)، ا(h3n2) - 0,9% (16 جاعداي)، ۆ تۇماۋى - %6,6 (111 جاعداي). جالپى رەسپۋبليكا بويىنشا 2,3 ميلليون ادام تۇماۋعا قارسى ەكپە الدى، بۇل رەسپۋبليكا حالقىنىڭ %11,6 ىن قۇرايدى، - دەيدى ول.
بۇعان دەيىن حابارلاعانىمىزداي، جىل باسىنان بەرى 51 ادام كوروناۆيرۋس جۇقتىردى.
ايتا كەتسەك، ەلىمىزدە قىزىلشا جۇقتىرعان بالالاردىڭ 83 پايىزى ەكپە الماعان.
