قازاقستاندىقتارعا سمارتفوندى رەسمي تىركەۋگە ەكى اي ۋاقىت بەرىلدى

ەسكە سالساق، 2025-جىلدىڭ 25-ناۋرىزىنان باستاپ، قازاقستانعا اكەلىنگەن بارلىق موبيلدى قۇرىلعى GSMA حالىقارالىق بازاسىندا جانە مەملەكەتتىك جۇيەدە مىندەتتى ۆەريفيكاتسيادان ءوتۋى ءتيىس بولاتىن.

- بيزنەس وكىلدەرىمەن بىرنەشە كەزدەسۋ وتكىزىلگەننەن كەيىن قوسىمشا 60 كۇن ۋاقىت بەرۋ تۋرالى شەشىم قابىلداندى. بۇل يمپورتتاۋشىلار مەن ساتۋشىلارعا بۇرىن اكەلىنگەن، ءبىراق ءالى ساتىلماعان قۇرىلعىلاردى تىركەۋگە مۇمكىندىك بەرەدى. وسىلايشا، بيزنەسكە بارلىق موبيلدى قۇرىلعىنى تىركەۋ ءۇشىن تاعى ەكى اي بەرىلەدى. قۇرىلعىلاردى https://kz-imei.kz/ پورتالىندا زاڭداستىرۋ قاجەت. ۆەريفيكاتسيادان وتۋگە 60 كۇن بەرىلەدى. 2025-جىلدىڭ 26-مامىرىنان باستاپ زاڭداستىرىلماعان قۇرىلعىلار موبيلدى بايلانىسقا قوسىلۋ مۇمكىندىگىنەن شەكتەلەدى، - دەلىنگەن حابارلامادا.

سونىمەن قاتار، مينيسترلىك جاڭا ەرەجەلەر تەك وزگەرىستەر كۇشىنە ەنگەننەن كەيىن ەلگە اكەلىنگەن قۇرىلعىلارعا قاتىستى ەكەنىن ەسكەرتەدى. قازاقستاندا قازىر جۇمىس ىستەپ تۇرعان بارلىق موبيلدى تەلەفون اۆتوماتتى تۇردە «اق» تىزىمگە ەنگىزىلەدى جانە شەكتەۋسىز جۇمىسىن ىستەيدى.

ەسكە سالا كەتسەك، جىل باسىندا ەلىمىزدە ابونەنتتىك قۇرىلعىلاردىڭ «اق»، «سۇر» جانە «قارا» ءتىزىمى پايدا بولاتىنى تۋرالى حابارلاعان بولاتىنبىز.

ايتا كەتەيىك، سمارتفونداردى تىركەۋدىڭ جاڭا ەرەجەسىنىڭ بيىل 24-ناۋرىزعا دەيىن ساتىپ الىنعان ابونەنتتىك ۇيالى بايلانىس قۇرىلعىلارىنا ەش قاتىسى بولمايدى.

سونداي-اق سمارتفونداردى تىركەۋدىڭ جاڭا ەرەجەسى قۇرىلعىلاردىڭ قىمباتتاۋىنا اسەرى تۋرالى جازعان ەدىك.

جىل باسىندا ءماجىلىس دەپۋتاتى قازاقستانعا زاڭسىز اكەلىنگەن جانە تىركەلمەگەن سمارتفونداردى بۇعاتتاۋدى ۇسىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى